70. Fuqarolik protsessida muddatlarning qanday turlari bor?
152-modda. Protsessual muddatlarni hisoblash
Protsessual muddatlar yillar, oylar va kunlar bilan hisoblanadi. Muddatning o‘tishi kalendar sananing yoki muddatning boshlanishi deb belgilangan voqea yuz bergan kunning ertasidan boshlanadi.
Yillar bilan hisoblanadigan muddat uning oxirgi yilining tegishli oyi va kunida tamom bo‘ladi.
Oylar bilan hisoblanadigan muddat uning oxirgi oyining tegishli oyi va kunida tamom bo‘ladi.
Agar oylar bilan hisoblanadigan muddatning tugashi tegishli sanasi bo‘lmagan oyga to‘g‘ri kelsa, muddat shu oyning oxirgi kunida tamom bo‘ladi. Bu muddatning oxirgi kuni ish kuni bo‘lmagan kunga to‘g‘ri kelgan taqdirda, undan keyingi birinchi ish kuni muddatning tamom bo‘lish kuni hisoblanadi.
Amalga oshirilishi uchun muddat belgilangan protsessual harakat muddatning oxirgi kuni soat yigirma to‘rtgacha bajarilishi mumkin.
Agar protsessual harakat sudda amalga oshirilishi kerak bo‘lsa, belgilangan qoidalarga ko‘ra sudda ish tugagan soatda muddat tamom bo‘lgan hisoblanadi.
Agar ariza, shikoyat, hujjatlar yoki pul summalari muddatning oxirgi kuni soat yigirma to‘rtgacha aloqa tashkilotiga topshirilgan, axborot tizimi orqali elektron tarzda yuborilgan yoki tegishli organga yoxud hujjatni qabul qilishga vakolatli shaxsga berilgan bo‘lsa, muddat o‘tmagan hisoblanadi.
71. Fuqarolik protsessida taraflar tushunchasi va turlari.
43-modda. Taraflar
Da’vogar (ariza beruvchi) va javobgar fuqarolik sud ishlarini yuritishning taraflaridir.
O‘zining buzilgan yoki nizolashilayotgan huquqlarini yoxud qonun bilan qo‘riqlanadigan manfaatlarini himoya qilish maqsadida sudga murojaat etgan yoinki manfaatini ko‘zlab ish qo‘zg‘atilgan shaxs da’vogardir.
O‘ziga nisbatan talab taqdim etilgan shaxs javobgardir.
Alohida tartibda yuritiladigan ishlar va ushbu Kodeksda nazarda tutilgan boshqa ishlar bo‘yicha ariza bergan shaxs arizachidir.
Do'stlaringiz bilan baham: |
