Darsning mavzusi. Jo‘nalish kelishigi. (221-223-mashqlar) Darsning maqsadi: ta’limiy

Darsning mavzusi. Jo‘nalish kelishigi. (221-223-mashqlar)
Darsning maqsadi:
ta’limiy: jo‘nalish kelishigi va uning so‘roqlari, qo‘shimchasi haqida tushuntirish, otlarning gapda boshqa so‘zlar bilan kelishik qo‘shimchalari yordamida bog‘lanishi, kelishik qo‘shimchalari, uning nomlari, so‘roqlari va vazifasi yuzasidan amaliy bilim berish:
FK1: otning kelishik qo‘shimchalari bilan turlanishini bilish;
tarbiyaviy : o‘quvchilarda mehnatga havas uyg‘otish, kitobning inson uchun foydali tomonlarini yoritib berish.
TK2:o‘quvchilarni har bir darsda kitob bilan ishlashga (o‘rganilayotgan mavzuni, mashqni tezda topishga, mashq topshiriqlarini tartibi bilan izchil bajarishga) bajarilayotgan mashqning maqsadini tushunishga o‘rganish;
rivojlantiruvchi : o‘quvchilarning lug‘atini boyitish, savodxonligini oshirish.
FK2: talaffuz me’yorlariga rioya qila olish.
TK3:o‘zining xato va kamchiliklarini to‘g‘ri tushunib, o‘zini nazorat qila olish va xatolarini tuzatishga harakat qilish, kattalarga, kichiklarga va o‘rtoqlariga yordam berish.
Darsning turi: yangi bilim, ko‘nikma, malakalami shakllantiruvchi dars.
Darsning metodi: suhbat metod , ta’limiy o‘yin.
Darsning jihozi: „ Otlarning kelishiklar bilan qo‘llanishi” jadvali,tarqatma materiallar.
Darsning borishi:
I.Tashkiliy qism.
II. O‘tilgan mavzuni mustahkamlash.

H usnixat daqiqasi: So‘ziga boqma, ishiga boq

Matn asosida yozilgan bayon mazmuni reja asosida qayta hikoyalab, o‘qitiladi.
III. Yangi mavzu bayoni.
221- mashqdagi she’r ifodali o‘qitiladi. Ajratilgan otlarga so‘roq berish va ular qaysi kelishikda qo‘llanganini aytiladi.
Husnixat tarzida ko‘chirish , jo‘nalish kelishigi qo‘shimchasini belgilash vazifasi beriladi.
O‘qituvchi quyidagi savollar orqali mashqni mustahkamlaydi.
-Jo‘nalish kelishigidagi otlar qanday so‘roqlarga javob bo‘ladi?
-Ko‘kni quchgan birikmasi qanday ma’noda qo‘llangan?
- Baxt, sho‘x so‘zlarining yozilishini yodingizda tuting.

221-mashq.Ekranda she’r matni beriladi. Matn ostida –ga kelishik qo‘shimchasini belgilash uchun yarim oval, yarim uchburchak va yarim to‘rtburchak shakli beriladi. O‘quvchi matndan jo‘nalish kelishigi qo‘shimchasini belgilashi lozim.