Davlat pedagogika instituti qarshi davlat universiteti

Foydalanilgan adabiyotlar ro‘yxati:

1. Filosofskaya ensiklopediya. https://dic.academic.ru/dic.nsf/enc philosophy/1095/

2. 
   Mullaxo‘jayeva K. Gʻazalda rang jilosi. Filologiya masalalari. 2003, 3-4 son.
   
3. 
   Nazar Eshonqul. Mendan “men”gacha. – T.: Akademnashr, 2014. 121-122-betlar.
   
4. 
   Paustovskiy K. Rojdeniye rasskaza. – Moskva.: izd. Rus.yazыk, 1979, str 134.
   
5. 
   Eshonqul Nazar. Shaftoli guli. –T.: O‘zbekiston, 2011. 108-bet.
   

UMUMBASHARIY DARD

yoxud Nazar Eshonqulning “Og‘riq lazzati” hikoyasini o‘qib

Bayram ALI,

Yozuvchi


Insonning butun hayoti to‘rt bosqichdan iborat: tug‘iladilar, yashaydilar, azblanadilar va o‘ladilar!
Anatol Frans

Adabiyotning quchog‘i katta, himmati cheksiz. Shu tufayli uning erkatoyiga aylangan, himmatidan bahra olib o‘ziga o‘xshagan sanoqsiz boshqa yozarmanlar kabi uni achomlab yotgan ijodkor zoti bisyor. Lekin vaqt atalmish oliy hakam mavjud ekan bunday erkatoylar qachondir o‘z samimiyati, layoqati ularoq baholanib birin-ketin sanoqdan tushib qolaveradi. Buni yaxshi his etgani uchundir ehtimol, haqiqiy iste’dod adabiyotning quchog‘ida erkalanib-suykalanishni xush ko‘rmaydi. Aksincha, u ko‘p yillardan beri o‘zgarmas va mustahkam deb tan olingan adabiy mezonlaru-qoliplarni, badiiy tasavvur chegaralarini parchalagan holda adabiyot maydonga kirib keladi, ta’bir joiz esa adabiyotning o‘zining ham aqlini shoshirib qo‘yadi. O‘zbek adabiyotning ulkan adiblaridan biri Nazar Eshonqulni ham biz qo‘rqmasdan xuddi shunday − o‘z nafasi, o‘zbek adabiyotidi o‘z ta’sir ko‘lamiga ega yozuvchi desak mubolag‘a qilmagan bo‘lamiz. Shu boisdan uning ijod namunalari na milliy va na zamonaviy xarakterga ega emas, balki umuminsoniy

¹⁷³ Eshonqul Nazar. Shaftoli guli. –T.: O‘zbekiston, 2011. 110-bet.
ruh bilan yozilgan bo‘lib, umumbashariy dard ila sug‘orilgandir.
Mening bu aytganlarim ohorli gap emas, albatta. Bu gaplar mendan avval ham qaysidir shaklda adabiyotga nisbatan ham, Nazar Eshonqul ijodiga nisbatan ham qo‘llanilgan va o‘quvchilar qulog‘iga yetib borgan. Bas, shunday ekan, men bugun adib Nazar Eshonqulning adabiyotimizda tutgan o‘rni va boshqa ijod namunalarini bir yoqqa surgan holda, uning ijodiga bo‘lgan munosabatimni birgina “Og‘riq lazzati” hikoyasidan olgan taassurotlarim orqali bayon qilishga harakat qilaman.