Dizimge alındı

Sorawlar:
1. Awil xojaliq haywanlarinin` jabayi tu`rleri haqqinda ne bilesiz?
2. Konstituttsiya degen ne?
3. Konstitutsiyanin` qanday tipleri bar?
4. Eksterer dep nege aytiladi?


3-lektsiya. Zootexniya hám biologiya
Joba

1. 
   Awil xojaliq haywanlarinin` jabayi a`wladlari ha`m ma`deniylestiriw da`wirinde ju`z bergen o`zgerisler
   
2. 
   Zootexniya pániniń maqseti
   
3. 
   Biologiya páni menen baylanisi óz ara sheshimi
   

Individual rawajlaniw nizamliqlarin ha`m jas mallardin` o`siwine ta`sir etetug`in faktorlardi esapqa aliw joli menen g`ana maqsetke muwapiq tiptegi haywanlardi payda etiw mu`mkin.

Haywan organizminin` o`siw ha`m rawajlaniw protsesinde tu`rli o`zgerisler ju`z beredi. Tiri awirlig`inin` artip bariwi, organlar sistemasinin` quramalasip bariwi kiredi. Organizmnin` o`siwi ha`m rawajlaniwin ilimiy tiykarda basqariw ko`p o`nim beriwshi, tez jetiletug`in wa`killerin jetistiriw, berilgen aziq esabina ko`plep sapali o`nim aliw, barliq tu`rdegi aziqlandiriw ha`m bag`iw ilajlarin belgili maqsetler ushin qollaw ha`m sharwashiliqta alip barilatugin barliq ma`seleler ko`plegen ilimpazlar ha`m qa`niygeler ta`repinen da`lillengen. Ha`zirgi waqitta barliq tu`rdegi sharwa mallari ha`m quslardi qa`legen bag`darda basqariw, xojaliq paydalilig`in asiriw, belgili maqsette bag`iw siyaqli ma`selelerinin` barliq sirlari aniqlang`an. Sog`an qaray ha`zirgi waqitta sharwashiliq pa`ni ko`plegen ilimiy da`liller, nizamlar ha`m problematikaliq ilajlar menen bayitilg`an, olardan tuwri ha`m u`nemli paydalaniw na`tiyjeligin asiriw mu`mkinshiligin beredi. Haywanlardin` individual rawajlaniwi birqansha uliwma nizamliliqlarg`a baylanisli. Misali u`zliksiz, tegis emes, na`wbeti menen, korrelyatsiyaliq, iykemlesiw (adaptatsiya) usilarg`a kiredi.
U`zliksiz rawajlaniw tiykarinda organizmde turaqli zat almasiw protsesi kiredi. Bul protsess toqtasa, individual rawajlaniw da toqtaydi, demek organizm nabit boladi.