Dizimge alındı

Ot-sho`plik almaslap egiw ha`r qiyli topiraq klimat zonalarinda ha`m bir zonanin` o`z ishinde de tu`rlishe boladi. olar da`nli furajliq eginlerdi (gu`zlik suli, ma`kkeju`weri, arpa, da`nli sobiqlilardi) aziqliq tamir tu`yneklilerdi, silosliq eginlerdi, bir jilliq ha`m ko`p jilliq eginlerdi o`z ishine aladi.
Ot-sho`plik almaslap egiw sistemasinda jasil konveyer de du`ziledi.
Mallardi jasil ot-sho`pler menen u`zliksiz ta`minlew ushin ot-sho`plik almaslap egiwde tu`rli mu`ddetlerde viko-suli, burshaqli suli ha`m basqa da aralaspalardi egiw: da`nli furajli ha`m shireli aziqliq eginlerdi orip aliw ushin egiw: tig`iz etip (qalin`), misali aziqliq asqabaqti jasil ot-sho`p ushin egilgen ma`kkenin` qatar arasina egiw jumislari ken`nen qollaniladi.
Jasil konveyerdi duris sho`lkemlestiriw ushin, mallardin` jasil ot-sho`pke bolg`an sutkaliq talabin esapqa ala otirip, jaylaw da`wirindegi aylar boyinsha jasil ot-sho`plerdin` talap etiletug`in mug`darin esaplap shig`ariw kerek. Bul talap su`t beriwshi mallar ushin shama menen 70-90 kg, bir jastan asqan mallarg`a 30-35 kg, 4 ayliqtan asqan buzawlar ushin 17-20 kg.
Otlaqlar menen jaylawlardi jaqsartiw ha`m olardan duris paydalaniw su`t beriwshi mallardin` o`nimliligin arttiriwda u`lken a`hmiyetke iye. Mallardi biyta`rtip bag`iw sebepli jaylawlardin` sho`pleri basqilanip qaladi, sho`plerdin` qurami jamanlanadi. Jaylawlardi paydalaniwdi padani jaylawdin` bo`limlerine gezeklestirip jiberiw sistemasin qollaniw joli menen ta`rtipke saliw kerek.
Aziq balansinda jetistirilgen ot-jem mug`dari og`an bolg`an talap penen ten` boliwi sha`rt. Eger jetistirilgen aziqlar jetpey qalg`an jag`dayda satip alinadi, ko`p bolsa satiladi. Kontsentrat aziqlar sha`rtnama tiykarinda satip alinadi.
1-tapsirma. Fermer xojaliqtin` 125 gektar jer maydani bar. Xojaliqta 37 bas sawin siyir, 48 bas su`tten shiqqan buwaz siyir, 1 bas na`silli bug`a, 10 bas semirtip bag`ilip atirg`an bug`a bar. Xojaliqta bar haywanlardin` ot-jemge bolg`an jilliq talabin aniqlan` ha`m aziq balansin du`zin`. Kontsentrat aziqlar satip alinadi. Aling`an mag`liwmatlardi 14,15 tablitsalarg`a jazin`.
1-keste

Aziq tu`rleri	Egin maydani	o`nimdarlig`i ga/ts	Jalpi o`nim
			Ko`lemi	Aziq birligi
Jon`ishqa pisheni (senaj)	30	150
Ko`k jon`ishqa	35	350,0
Ma`kkeju`weri silosi	30	400,0
Sudan ot	14	300,0
Biyday (da`n ushin)	15	150,0
Biyday (sabani	5	15,0
Aziqliq la`blebi	6	550,0
Ja`mi