Егер студент оқып жатқан пәніне қызығушылықпен қараса, онда тез және терең меңгере алады

Кіріспе

XXI ғасырдың бас кезінде адамзаттың даму процесі ақпараттық қоғамның қалыптасуымен ерекшеленеді, оның негізгі бағыты ақпарат және оны өңдеу ұғымымен анықталады. Ақпарат алуан түрлі болып, адам өмірінің қай салаларында қолданатындығына байланысты түрлерге бөлінеді:ғылыми, техникалық, өндірістік, басқару, экономикалық, әлеуметтік, құқықтық т.б. Ақпараттың әрбір түрінің өзіндік өңдеу технологиясы, мағыналық құндылығы, сипаттау және бейнелеу формалары, фактілер, құбылыстар мен процестердің сипатталуының нақтылығына, айқындылығына қойылатын талаптары бар.
Білім тұжырымдамасында да көптеген жаңалықтар байқалады. Мысалы, кредиттік технология бойынша оқыту стундеттердің өз бетінше ізденуіне жағдай жасайды. Оқытушы мен студент арасында тығыз байланыс орнап, бірлесе отырып жұмыс істей бастайды. Заман талабына сәйкес қазір электронды оқу құралымен оқытуға көп мән бөлінуде. Автоматтандырылған жүйеде оқыту әдістеріне тікелей қатысты. Енді осы әдістерді талдап көрейік:

1. 
   Егер студент оқып жатқан пәніне қызығушылықпен қараса, онда тез және терең меңгере алады.
   
2. 
   Егер алған білімін тәжірибе жүзінде өмірде пайдалана алатын болса, онда оқудың нәтижелі болғаны.
   
3. 
   Егер студент өзінің алған білімінен нәтиже шығарып отырса, онда оқу процесі тез жүреді. Білмегенін тез арада түсінуге ұмтылу қажет. Өйткені кішкене үзілістің өзі оқытуды бәсендетеді.
   
4. 
   Өзінің алған біліміне нәтиже көрсету үшін тапсырманы ынтамен орындау керек. Қатысушы бірінен соң бірі туындайтын қиындықты біле отырып, тез игеріп алған болса, жоғары деңгейге жетеді.
   
5. 
   Егер программа пән бойынша белгілі бір принциппен құрылса, материалдар қиындай түседі. Студент көбінесе тапсырманың жеңіл түрінен бастайды.
   

Әдетте оқу өз бетінше ұйымдастырылатын болғандықтан, оқу процесінде әрбір студент өзіне қатысты бағдарламаны білуі тиіс. Сонда ғана олар материалдарды тез түсіне алады. Компьютердің көмегімен оқыту бүгінгі таңда үлкен нәтиже беріп отыр. Комьютерлік оқыту бағдарламасы студенттердің жұмысын бағалауға, қажетті материалдарды тез тауып алуғы, тез ұғынуға мүмкіндік береді.
Дипломдық жұмыстың мақсаты “дискретті математика” пәні бойынша компьютерлік зертханалық практикум жасау болып табылады. Дипломдық жұмыстың тапсырмаларына төмендегілер жатады:

• 
  Жоғарғы оқу орындарына «дискретті математика» практикум дайындап, электронды оқу құралы ретінде ұсыну;
  
• 
  Электронды оқу құралын жасауға қажетті әдіс-тәсілдерді анықтау.