Электр энергетикада назорат бўйича давлат инспекцияси бошлиғининг

§ 3. Буғтурбина қурилмаларининг ускуналарига хизмат кўрсатиш
А.Турбоагрегатларига хизмат кўрсатиш
602. Қизиган юзалар зонасида бўлган ташқи босим мойқувурлари, пўлат тунукадан ясалган махсус зич ҳимоя короблар билан қопланган бўлиши керак. Коробларнинг пастки қисми мойни оқиб тушиши учун йиғиш қувури томонига нишабга эга бўлиши керак, у авариявий қуйиш коллекторидан мустақил ва мойни авариявий қуйиш сиғими билан бириктирилган бўлиши керак.
Капитал таъмирлашда короблар сув билан тўлдирилиб зичликка текширилиши керак.
603. Хавфсизлик автомати синалаётганда, синашда бевосита қатнашмайдиган шахслар турбинага хизмат кўрсатиш майдончасида бўлиши ман этилади.
Роторнинг айланиш частотасини кўпайтириш билан хавфсизлик автоматини текшириш, электр станциясининг бош муҳандиси тасдиқланган синаш дастури бўйича бажарилиши керак.
Хавфсизлик автоматини синашдан олдин, синашда иштирок этадиган ходимларга, йўриқномалар журналига ёзиб, йўриқнома ўтказилиши керак.
Синашни ўтказишга бевосита цех раҳбари ёки унинг ўринбосари раҳбарлик қилади, у турбинанинг айланиш частотасини тахометр бўйича кузатиб туради. Синашда иштирок этаётган қолган ходимлар, керак бўлган вақтда агрегатни тез узилишини таъминловчи ҳолатда жойлаштирилиши керак.
Бош буғ сурилма қопқоғида байпас мавжуд бўлганда хавфсизлик автоматини текширилиши сурилма қопқоқ ёпилиб, байпас орқали ўтказилиши керак.
604. Таъмирлашга тўхтатилган турбина мазкур Қоидаларнинг 284-банди, 12 - илованинг 1,2- бандлари талабларига мувофиқ умумий буғ қувурларидан узилган бўлиши керак.
605. Турбина цилиндлари ва роторлари қопқоқларини кўтариш учун завод мосламалари ишларни бошлашдан олдин кўриб чиқилган бўлиши керак. Мосламалар таъмирлангандан кейин уларда техник шаходатлаш санаси кўрсатилган бўлиши керак.
606. Турбинадан чиқариб олинаётган оғир деталлар (ротор, цилиндр қопқоғи) мазкур Қоидаларнинг 39-банди талабларини ҳисобга олиб, деталларни жойлаштириш режасига мувофиқ, уларнинг сирпаниб кетишини истисно қилувчи чорпоялар ва тагликларга жойлаштирилиши керак. Тагликлар учун антисептик шимдирилган шпаллардан фойдаланиш ман этилади.
607. Цилиндр қопқоғини очишда ва кўтаришда қуйидагилар зарур:
кўтариш учун мавжуд мосламалардан (масалан, балансирдан) фойдаланиш;
цилиндрнинг юқори ярмини (қопқоқни) пасткисидан сиқиб чиқарадиган болтлар ёрдамида очиш;
кўтаришдан олдин қопқоқ пухта строплангани тўғрисида ишонч ҳосил қилиш;
қопқоқни ўрнатилган йўналтирувчи болтлар (свечалар) билан у пухталик билан текислангандан кейин масъул шахс командаси бўйича кўтариш;
кўтарилаётганда қопқоқ цилиндрнинг пастки ярмининг ажратиш фланецига нисбатан бир текисда ҳаракатланишини текшириш. Қопқоқ текис ҳаракатланишини текширишда, шунингдек, уни кўтаришда, кўтарилаётган қопқоқ тагидаги ажратиш фланецига қўлларни қўйиш ман этилади.
608. Турбина цилиндрларининг фланецли ажратиш бириталарининг гайкаларини бўшатиш ва тортиш турбинани ишлаб чиқарган заводнинг йўриқномаси бўйича бажарилиши керак.
609. Цилиндр қопқоғини қайта кантовка қилиш фақат иш раҳбарининг раҳбарлигида бажаришга рухсат этилади. Контовкадан олдин қопқоқ устида маҳкамланмаган деталлар (гайкалар, болтлар, тиқинлар, асбоблар ва б.) йўқлиги тўғрисида ишонч ҳосил қилиш керак.
610. Юқори босимли турбиналарни резьбали маҳкамловчи бирикмаларини иситиш учун қўлланадиган ТЭН туридаги электриситгичлар ерга уланган бўлиши керак, ва иситгич корпуси ва ток ўтказувчи қисмлар орасидаги изоляция қаршилиги 2 MΩ дан кам бўлмаслиги керак. Электр иситгичлар билан резинали диэлектрик қўлқопларида ишлаш керак.
Электр иситгичлар билан ишлашга электр хавфсизлик бўйича П-дан паст бўлмаган гуруҳга эга бўлган ходимларга йўл қўйилади.
Электр иситгичлар билан ишлаганда қуйидагилар ман этилади:
ток келтирувчи кабелни таъминловчи тармоқдан узмасдан уни қисмларга ажратиш;
электр иситгич корпусини ҳимояловчи трубкани эгиш ёки деформациялаш;
электр иситгични шпильканинг тешигига зарбалар ёки катта кучни қўллаб ўрнатиш;
узунлиги электр иситгичнинг ишчи узунлигидан кам бўлган, марказий берк тешикли шпилькани иситиш;
тармоққа уланган электр иситгич билан бир резьбали бирикмадан иккинчисига ўтиш;
ишлаб турган электр иситгичда ток узатувчи кабелларнинг цангали контактларини ажратиш;
электр иситгични ишчи ҳолатида назоратсиз қолдириш.
611. Турбина цилиндри маҳкамлагичининг эжекцион иситгичи билан ишлаганда кўпалангали ёндиргич паққиллашсиз ва тескари уришларсиз ишлаши керак. Ёндиргичнинг барча бирикмалари ва каналлари, шу ҳисобда зичловчи қурилмалари герметик бўлиши керак.
Эжекцион иситгични қўллаш билан ишларни бошлашдан олдин турбинанинг оқим қисмидаги барча ишлар тўхтатилиши ва ходимлар чиқариб юборилиши керак. Иш жойида ёндиргич алангасини ростлаш учун асбест туника, ўтўчиргич ва метал туника бўлиши керак.
Эжекцион иситгичнинг ёндиргичини тунука товадаги алангадан ёқиб олиш керак. Бу мақсад учун гугуртдан фойдаланиш ман этилади.
Эжекцион иситгични ишлатганда оловнинг қаршисида туриш, шунингдек ёғланган кийимда ва қўлқопларда ишлаш ман этилади.
612. Турбина цилиндрининг разъеми шпилькаларини иситиш учун ҳаволи иситгичларидан фойдаланилганда, шпильканинг тешигига иссиқ ҳавони узатиш учун штуцерни киритиш ва иситилгандан кейин уни чиқариш ҳавони берувчи вентиль ёпилган ҳолатида бажарилиши керак. Ишлаётганлар қўлқоплар ва ҳимояловчи кўзойнаклардан фойдаланиши керак.
Шпилькаларни газ ёндиргичнинг очиқ алангаси билан иситиш ман этилади.
613. Подшипникларнинг ичқўймалари баббит билан қайта қуйилаётганда формалар қуритилган бўлиши керак.
Ишни ҳимоя кўзойнаклари, резиналанган фартук ва қўлқопда бажариш керак.
Ичқўймалар каустик сода билан ёғсизлантирилганда ва уларга кислота билан ишлов берилганда мазкур Қоидаларнинг III-боби 7-параграфининг талабларига риоя қилиш керак.
614. Чуқур совутиш усулида таранглаш билан трубина деталларини жойига ўтказишда қўлқоплар кийиш ва махсус мосламалар ёрдамида ишлаш зарур. Деталларни совитиш учун суюқ азотдан фойдаланилганда портлаш хавф бўлган қоришма таркибида (30% дан ортиқ кислороди бор суюқ азот-кислородли қоришма) вужудга келиш эҳтимолини ҳисобга олиш керак.
Портлаш хавфи бўлган қоришмалар вужудга келишини олдини олиш учун дастлаб совутиладиган деталлар ва ваннани мойдан ва мойли ифлосланишлардан яхшилаб тозалаш керак ва совитиш жараёнида азотда кислород концентрацияси ошиши устидан назорат қилиб туриш керак.
615. Тароқсимон деталларнинг охирги ёки диафрагмаланган зичлагичларини тароқларини текшириш ва тозалаш қўлқопда бажарилиши керак.
616. Турбина роторини қўлда айлантиришдан олдин (марказлаштиришда) оёқлар билан турбинанинг горизонтал разъемига ёки горизонтал разъемнинг сатҳида ўрнатилган майдончага туриб олиш зарур.
Роторни қўл билан айлантирилиши иш бошининг ёки у бригада таркибидан тайинлаган шахснинг командаси бўйича бажарилиши керак.
Турбина роторини айлантиришдан олдин унинг оқим қисмида таъмирлаш ишлари тўхтатилиши, ходимлар эса хавфсиз жойга чиқарилиши керак. Роторни кран билан айлантирилганда тортилаётган троснинг ён атрофида туриш ман этилади. Тросни бир текисда, бир ҳалқани иккинчисининг устига чиқариб юбормасдан, қисилиб қолишига йўл қўймасдан ўраш керак.
Бириктириш ярим муфтасига зич кийгизиладиган бармоқ, унга тираладиган буртга ва строп сиртмоғини илиш учун чуқурчага (канавкага) эга бўлиши керак. Бармоқнинг узунлиги бириктириш ярим муфтаси фланецларининг икки қалинлигидан кам бўлмаслиги керак.
617. Турбина ёки мой насоси ишлаб турганда мой қувурларидаги арматураларни алмаштириш, таъмирлаш ва ростлашнинг деталларини қисмларга ажратиш (манометрларни алмаштириш бундан истисно) билан боғлиқ бўлган ишларни ўтказиш ман этилади.
618. Мой тизимида таъмирлаш ишлари ўтказилаётганда қуйидагилар зарур:
оловли ишларни мазкур Қоидаларнинг III боби 7-параграфи талабларини ҳисобга олиб бажариш;
таъмирлаш даврида штуцерлар, тармоқлар ва шу кабиларнинг фланецли бирикмаларининг пайванд жойлари қайта пайвандланган мой қувурларининг участкаларида гидравлик синашларни ўтказиш;
тўкилган мойни зудлик билан олиб ташлаш;
мой тизимини кимёвий тозалашда мазкур Қоидаларнинг III боби 7-параграфи талабларига риоя қилиш;
мой тизими ва мой совутгичи қувурларига буғ билан ишлов беришни босими 0,6 МРа (6 kgF/cm²)дан ортиқ бўлмаган: тўйинган буғ билан, махсус жиҳозланган майдончада ўтказиш;
буғни узатувчи вентилни бевосита иш жойи олдида ўрнатиш;
буғни келтириш учун резинали шлангларни қўллаш ман этилади;
мой бакларининг ичидаги ишларни фақат уларни мойдан ва қурумдан тозалангандан, буғ билан ишлов берилгандан, шамоллатилгандан кейин ва мазкур Қоидаларнинг III боби 9-параграфида назарга тутилган хавфсизлик талабларини бажариб амалга ошириш шарт.
619. Таркибида водород бўлган газмой тизими, участкалардан 10 m дан кам масофада олов ишлари наряд бўйича, ишлар хавфсизлигини таъминловчи чоралар кўрилиб бажарилиши керак (тўсиқлар ўрнатиш, хонадаги ҳавони водород йўқлигига текшириш ва б.).
Водород билан тўлдирилган бевосита генератор корпусида, газмой тизимининг қувурлари ва аппаратларида бевосита олов ишларини ўтказиш ман этилади.
Генератор ва газмой тизимининг қурилмалари олдида «Диққат! Портлаш хавфи» огоҳлантирувчи хавфсизлик белгилари осиб қўйилиши шарт.
620. Турбоагрегатларга хизмат кўрсатиш мазкур Қоидаларнинг 13-иловаси талабларига мувофиқ амалга оширилиши шарт.
Б. Оловбардош мойлари билан ишлашда хавфсизлик чоралари
621. Турбиналарнинг ростлаш тизимларида ёнғин хавфсизлигини ошириш мақсадида турбина мойи ўрнига «Иввиоль-3» ва ОМТИ оловбардош синтетик мойлари қўлланилади.
622. Оловбардош «Иввиоль-3» мойи токсик модда; одам организмига таъсир қилиши даражаси бўйича ўрта хавфли моддаларга киради (хавфлилик класси 3). Ишчи зонаси ҳавосида «Иввиоль-3»нинг энг кўп рухсат этилган концентрацияси — 1,5 mg/m³.
«Иввиоль-3» мойининг заҳарлаш таъсири у ошқозон-ичак трактига тушганда, шикастланмаган тери орқали сингганда, буғлари ва аэрозолларидан нафас олинганда пайдо бўлади. «Иввиоль-3» паралитик таъсирга ва кумулятив хусусиятига эга.
ОМТИ оловбардош мойи хавфлилик даражаси бўйича минерал мойи классига киради ва паралитик таъсирига эга эмас. Ишчи зона ҳавосида ОМТИ мойи учун энг кўп рухсат этилган концентрация — 5 mg/m³.
623. Оловбардош мойлари билан ишлаганда («Иввиоль-3», ОМТИ ) «Ленинград металл заводи»нинг 1508 ва 1640-ИО сонли махсус йўриқномалари ва RH34-301-359:2005 «Йўриқнома. ОМТИ туридаги оловбардош турбина мойларини қабул қилиш, сақлаш ва эксплуатация қилиш» раҳбарий ҳужжати талабларига риоя қилиш шарт.
624. Навбатчи ва таъмирлаш ходимларининг иш жойларида БКФ маркали фильтрловчи газ ниқоблари бўлиши керак. Оловбардош мойи қизиган юзаларга тушганда тутун ажралиб чиқади, у мавжуд бўлганда жадал тутунлашиш зонасида бўлган ходимлар газ ниқобларини кийишлари ва мой оқишини бартараф этиш учун чоралар кўриши шарт.
625. Оловбардош «Иввиоль-3» мойи билан бевосита контактга эга бўлган ходимларга шахсий гигиена қоидаларига қатъий риоя қилиш мажбурийдир.
626. Оловбардош «Иввиоль-3» мойи билан ишлашда банд бўлган ходимлар, ишга келгач, шахсий кийимини ва пойафзалини ечиши ва махсус кийимни ҳамда махсус пойафзални кийиши керак (комбинезон ёки пахта матоли куртка билан шим, ички кийим, пайпоқ, монолит тагли резинали ботинка ёки резинали этик).
Ишлаш жараёнида оловбардош «Иввиоль-3» мойи билан бевосита контакт эҳтимоли бор бўлса, енгликлар, фартуклар, резинали қўлқоплар табиий каучук ёки квалетекс асосида ва резинали этик, фильтрловчи газниқоб кийилиши керак.
«Иввиоль-3» мойи билан ифлосланган қўлларга қўлқоплар кийиш ман этилади.
627. ОМТИ оловбардош мойи билан ишлаганда банд бўлган ходимлар махсус кийимда (пахта матоли комбинезон ёки куртка ва шим) ва махсус пойафзалда (ботинкаларда) ишлаши керак.
Айрим жуда мойланиб қолган узеллар қисмларга ажратилаётганда текстовинитдан тикилган фартукда ишлаш керак.
Мой бакларини тозалашга ва мой тизими герметиклиги бузилганда кўп миқдорда тўкилган мойларни йиғиштиришга жалб қилинадиган ходимлар резинали этик ва қўлқоплардан фойдаланиб ишлаши керак.
628. Ишчи кийим ҳар ҳафтада aлмaштиpилиши шарт.
Авариявий ташлаш ёки оқиб кетиш натижасида ифлосланган махсус кийим, бузилиш оқибати бартараф этилгандан кейин шу вақтнинг ўзида алмаштирилиши керак.
629. Овқатланишдан ва чекишдан олдин қўлларни яхшилаб илиқ сувда совун ва шчетка билан ювиш керак.
630. Овқатни иш жойига олиб келиш ва истеъмол қилиш ман этилади.
631. Бошқа цехларга таъмирлаш ва созлаш ёки сақлаш учун бериладиган деталлар, узеллар, назорат-ўлчаш асбоблари ва автоматика қурилмалари оловбардош мойидан ювилган бўлиши керак.
«Иввиоль-3» оловбардош мойлари параметрларини назорат қиладиган асбоблар назорат-ўлчаш асбоблари (бундан кейин — НЎА) лабораториясида, бошқа асбоблардан алоҳида, ҳамда йўриқ берилган ходимлар томонидан таъмирланади, созланади ва таққосланади.
632. Оловбардош мойида ишлайдиган аппаратлар таъмирини ўтказиш учун, бригада умумий асбоб хўжалигида алоҳида ажратиб қўйилган керакли асбоблар комплектига эга бўлиши керак.
Иш тугагандан кейин асбоблар мазкур Қоидаларнинг 14-иловаси 2-банди талабларига мувофиқ ювилиши керак.
633. Ишдаги танаффусларда ва у тугатилганда ифлосланган шахсий ҳимоя воситалари яхшилаб иссиқ сув ва совун ёки тринатрий - фосфат билан ювилиши шарт. Қўлқопларни ечишдан олдин ювиш керак, пойафзал тагини иш жойдан чиқиб кетаётганда артиш шарт.
634. Смена тугагандан кейин оловбардош мойи билан ишлайдиган хар бир ходим махсус кийимни ечиши ва махсус ишчи кийим шкафига қўйиши ва душда ювиниши керак.
Уйчи кийимни алоҳида шкафда сақлаш керак.
635. Ҳар ойда камида бир марта турбина бўлими хонасининг ҳаво муҳити оловбардош мойи мавжудлигига назорат қилиниши шарт.
636. Эксплуатация қилиш жараёнида хар ҳафтада бир марта ювувчи эритмалар билан тутқичлар, задвижкаларнинг штурваллари ва узелларнинг маховиклари, шунингдек турбина бўлимининг оралиқ майдончалари ва зинали ўтиш жойлари артиб чиқилиши керак.
Турбинанинг ростлаш тизими «Иввиоль-3» оловбардош мойида ишлаганда, ҳар куни хизмат кўрсатиш белгисидаги (отметка) ва ноль белгисида (отметка) ростлаш тизими мой баки тўсиғининг ичидаги пол, сочли шчеткаларни қўллаб, ювиш эритмалари билан артилиши керак.
637. Оловбардош мойлар билан ишлашда хавфсизлик чоралари мазкур Қоидаларнинг 14-иловаси талабларига мувофиқ амалга оширилиши шарт