Elektr qurilmalarni ekspluatatsiya qilishda xavfsizlik texnikasi

buzilmagan elektr maydonning kuchlanganligi - ish jarayonida odam bo`lishi mumkin bo`lgan zonada aniqlanadigan, odamning qatnashishida buzilmaydigan elektr maydonning kuchlanganligi;
naryad - ish mazmunini, ish joyini, ishni boshlash va tamomlash vaqtlarini, kerakli xavfsizlik choralarini, brigada tarkibini va ishni xavfsiz bajarish uchun javobgar shaxslarni belgilovchi ishni xavfsiz bajarish uchun maxsus blankda tuzilgan topshiriq;
xavfli ta`sir - agar simli aloqa va simli xabar berish zanjirlarida paydo bo`lgan kuchlanishlar va toklar xizmat ko`rsatuvchi xodimga va abonentlarga xavf tug`dirsa yoki bu zanjirlarga ulangan asboblar va apparatlarni ishdan chiqarishi mumkin bo`lsa;
tezkor - ta`mirlovchi xodimlar - o`ziga tasdiqlangan xajmda biriktirilgan elektr qurilmalarga tezkor xizmat ko`rsatish maqsadida tayyorlangan, maxsus o`rgatilgan, ta`mirlovchi xodimlar toifasiga kiruvchi xizmatchilar;
elektr uzatish havo liniyalari va aloqa havo liniyalarining muxofaza zonasi - HL bo`ylab, eng chetda joylashgan simlardan, ularning og`ishmagan holatida:
1kV kuchlanishgacha bo`lgan HL va AHL uchun -2 m;
1-20 kV HL uchun -10 m;
35 kV HL uchun -15m;
110kV HL uchun - 20 m;
220 kV HL uchun 25 m;
500 kV HL uchuy - 30 m
masofada, liniyaning ikkala tomoni bo`ylab, vertikal sirtlar bilan chegaralangan yer uchastkasi va havo bo`shlig`i ko`rinishidagi zona.
Kemalar qatnovchi suv xavzalari (daryolar, kanallar, ko`llar va xokazolar) ustidan o`tgan HL bo`ylab, eng chetda joylashgan simlaridan, ularning og`ishmagan holatida liniyaning ikkala tomonida vertikal sirtlar bilan 100 m masofadagi, kemalar qatnamaydigan suv xavzalari uchun esa quruqlikdan o`tadigan HL muxofaza zonasini belgilash uchun nazarda tutilgan masofadagi chegaralangan xavo bo`shlig`i ko`rinishidagi zona;
elektr uzatish kabel liniyalari va aloqa kabel liniyalarini muxofaza zonasi - yer ostida joylashgan KL ning eng chetdagi kabelidan ikki tomonga vertikal sirtlar bilan: KL uchun 1 m, aloqa kabel liniyalari (bundan keyin - AKL) uchun 2 m masofada chegaralangan yer uchastkasi.
Suv xavzasining suv osti KL va AKL bo`ylab eng chetdagi kabelidan ikki tomonga 100 m masofada vertikal sirtlar bilan chegaralangan suv sirtidan tubigacha bo`lgan qismi;