Elektromobil

tanlashingiz mumkin. Grafikni ogʻzaki tushuntirib berishga tayyorlaning. 
 
Ushbu topshiriq oʻquvchilarning maʼlumot toʻplash, maʼlumotlarni saralash 
hamda ularni grafik koʻrinishda ifodalash koʻnikmasini shakllantirishga qaratilgan. 

---

Bunda oʻquvchilar berilgan chizmalardan istalgan birini tanlab, unga mos 
maʼlumotlarni joylab, tushuntirib berishlari lozim. 
Bu jarayonda oʻqituvchi oʻquvchilarga sinfdagi oʻquvchilar soni, xarid qilgan 
kitoblarini, oʻqigan asarlarini grafikda ifodalashi mumkinligi haqida koʻrsatma 
berib oʻtishi maqsadga muvofiq. 
4-soat 
Dars jarayoni 
Kirish. 
 
“Grafika qanday qismlardan iborat? Ularda nimalar yoritiladi?” 
Asosiy qisim. 
Ogʻzaki nutq. Tahlil. 
Tayyorlab kelgan grafingizni ogʻzaki tushuntirib bering. Xato va 
kamchiliklaringizni toʻgʻrilang. Boshqalarning nutqiga diqqat qiling. 
Tushunmagan oʻrinlaringizda savollar bering. 
Mazkur topshiriq oʻquvchilarning ogʻzaki nutqini rivojlantirish hamda jamoat 
oldida nutq soʻzlash koʻnikmasini shakllantirishga qaratilgan. Oʻquvchilar uyda 
tayyorlab kelgan grafik chizmalarini taqdimot qilib berishlari lozim.
Bu jarayonda bir oʻquvchi gapirganda qolgan oʻquvchilar tinglovchi boʻlib, 
sinfdoshlarining nutqiga munosabat bildirishlari lozim. Bunda quyidagilarga amal 
qilishlari talab etiladi: 
• oʻzini tutishi; 
• mavzuga mos ohang, emotsiyadan foydalanishi; 
• grafikni tushuntirishga oid til birliklarini toʻgʻri qoʻllashi; 
• mazmunni yetkazib bera olishi; 
• soʻzlarni toʻgʻri talaffuz qilishi, urgʻuni kerakli oʻrinlarda qoʻya olishi; 
• grafikka mos maʼlumot yoki maʼlumotga mos grafikni toʻgʻri tanlaganligi; 
• grafikada maʼlumotlarning toʻgʻri joylashtirilganligi; 
• kirish, fikrni xulosalashga oid til birliklaridan foydalanishi.