Elektron onlayn-auksion orqali ijaraga berish tartib-taomillari soddalashtirilishi munosabati bilan vazirlar mahkamasining qishloq

---

O‘ZBEKISTON RESPUBLIKASI VAZIRLAR MAHKAMASINING
QARORI
QISHLOQ XO‘JALIGIGA MO‘LJALLANMAGAN YER UCHASTKALARINI XUSUSIYLASHTIRISH VA
ELEKTRON ONLAYN-AUKSION ORQALI IJARAGA BERISH TARTIB-TAOMILLARI
SODDALASHTIRILISHI MUNOSABATI BILAN VAZIRLAR MAHKAMASINING “QISHLOQ
XO‘JALIGIGA MO‘LJALLANMAGAN YER UCHASTKALARINI XUSUSIYLASHTIRISH TO‘G‘RISIDA”GI
O‘ZBEKISTON RESPUBLIKASI QONUNINI AMALGA OSHIRISH CHORA-TADBIRLARI HAQIDA”
2022-YIL 14-FEVRALDAGI 71-SON QARORIGA O‘ZGARTIRISH VA QO‘SHIMCHALAR KIRITISH
TO‘G‘RISIDA
Qishloq xo‘jaligiga mo‘ljallanmagan yer uchastkalarini xususiylashtirish va elektron onlayn-
auksion orqali ijaraga berish tartib-taomillarini soddalashtirish maqsadida, shuningdek,
O‘zbekiston Respublikasi Prezidentining “Tadbirkorlik muhitini yaxshilash va xususiy sektorni
rivojlantirish orqali barqaror iqtisodiy o‘sish uchun shart-sharoitlar yaratish borasidagi navbatdagi
islohotlar to‘g‘risida” 2022-yil 8-apreldagi 
PF-101-son
hamda “Qoraqalpog‘iston Respublikasida
tadbirkorlik, innovatsion texnologiyalar va infratuzilmalarni jadal sur’atlarda rivojlantirish orqali aholi
farovonligini oshirishning qo‘shimcha chora-tadbirlari to‘g‘risida” 2022-yil 31-avgustdagi 
PF-213-son
farmonlari, O‘zbekiston Respublikasi Prezidentining “Iqtisodiyotda davlat ishtirokini yanada
qisqartirish va xususiylashtirishni jadallashtirishga oid qo‘shimcha chora-tadbirlar to‘g‘risida” 2022-
yil 18-martdagi 
PQ-168-son
hamda “O‘zbekiston Respublikasi Prezidentining tadbirkorlar bilan
2022-yildagi “ochiq muloqoti”da belgilangan vazifalarni amalga oshirish chora-tadbirlari to‘g‘risida”
2022-yil 30-avgustdagi 
PQ-364-son
qarorlari ijrosini ta’minlash maqsadida Vazirlar Mahkamasi
qaror qiladi:
1. Vazirlar Mahkamasining “Qishloq xo‘jaligiga mo‘ljallanmagan yer uchastkalarini
xususiylashtirish to‘g‘risida”gi O‘zbekiston Respublikasi Qonunini amalga oshirish chora-tadbirlari
haqida” 2022-yil 14-fevraldagi 71-son 
qaroriga
 
ilovaga 
muvofiq quyidagilarni nazarda tutuvchi
o‘zgartirish va qo‘shimchalar kiritilsin:
xususiylashtirilayotgan yer uchastkasini sotib olish qiymatini tabaqalashtirilgan holda
kamaytirish;
yer uchastkalarini elektron onlayn-auksion orqali realizatsiya qilish muddatlari va bosqichlarini
qisqartirish;
yer uchastkalarini elektron onlayn-auksion orqali realizatsiya qilishdan tushgan
mablag‘larning bir qismini tuman va shaharlar ixtiyorida qoldirish;
kichik sanoat, yoshlar sanoat va tadbirkorlik zonalari hududidagi yer uchastkalarini elektron
onlayn-auksion orqali realizatsiya qilishning xususiyatlarini belgilash.
2. O‘zbekiston Respublikasi Investitsiyalar va tashqi savdo vazirligi ikki oy muddatda Kichik
sanoat zonalari to‘g‘risidagi nizom hamda Yoshlar sanoat va tadbirkorlik zonasi to‘g‘risida nizomga
o‘zgartirish va qo‘shimchalar kiritish to‘g‘risida Vazirlar Mahkamasi qarori loyihasini kiritsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining
moliya-iqtisodiyot va kambag‘allikni qisqartirish masalalari bo‘yicha o‘rinbosari — iqtisodiy
taraqqiyot va kambag‘allikni qisqartirish vaziri J.A. Qo‘chqorov zimmasiga yuklansin.