“Elektron ta’lim” – “Электронное обучение” – “E-learning” December-2020,Volume 4 issn2-181-1199

“Elektron ta’lim” – “Электронное обучение” – “Electronik edication” December-2021,volume 5,№4 ISSN2-181-1199
http://ej.nspi.uz//
71
 
aniq natijalarga olib kelishi kafolatlangan. Biroq, VR o‘quv dasturlari hali to‘liq 
texnologiyaga aylantirilmagan. Agar ta’lim texnologiyalarining barcha asosiy 
mezonlarini hisobga oladigan bo‘lsak: izchillik, takrorlanuvchanlik va natijaning 
kafolati, fikr-mulohazaning mavjudligi, demak, oxirgi xususiyatlar didaktik VR 
tizimlarida hali amalga oshirilmagan. Xususan, boshqaruv algoritmi yetishmaydi. 
Biroq, bu kamchilikni bartaraf etish juda oson va VRda uni eng yuqori 
instrumental darajada amalga oshirish mumkin. 
Haqiqiy virtual reallikda didaktik dasturlarning insonning fikrlash va 
ruhiy holatiga ta’siri
VR tasvirlari kontent, vazifaning tarkibiy qismi sifatida kiritilganda, 
ijodkorlikka sezilarli ta’sir ko‘rsatadi va fikrlashning protsessual xususiyatlarini 
rag’batlantiradi. Aql-idrokning xayoliy va kognitiv sohalari o‘rtasida o‘zaro 
ta’sirning to‘g’ridan-to‘g’ri va bilvosita shakllari mavjud, bu o‘zaro ta’sirda 
vositachi fikrlash jarayonlari tahlil, sintez va umumlashtirishdir. 
So‘nggi paytlarda Rossiya federatsiyasida o‘rta maktab o‘quvchilari uchun 
biologiya va geometriya fanidan haqiqiy virtual muhitda bir qator o‘quv dasturlari 
yaratildi. Ushbu dasturlarda VR tasvirlari ancha dinamik bo‘ldi, jonlantirish 
qobiliyati sezilarli darajada kengaydi.
Ushbu qoʻllanmalardagi barcha obʼyektlar 3D formatda boʻlib, koʻp 
platformali 3D ilovalarni ishlab chiqish vositasi boʻlgan Unity yordamida 
jonlantiriladi. 
O‘rta maktab o‘quvchilari uchun biologiyadan ikkita juda qiyin "Oqsil 
sintezi" va "Gen irsiyligi" mavzularni VR orqali o‘tkazildi. O‘quvchilar harakat 
davomida ob’ektlarni kattalashtirish va kichiklashtirish, sahnani to‘xtatish, ekranda 
sodir bo‘lgan biologik jarayonlar haqida asosli sharhlar olish va hokazo 
imkoniyatlariga ega. Ular oqsil sintezi va belgilarning irsiylanishi jarayonida 
hujayra ichida sodir bo‘ladigan jarayonlarga to‘liq kirib borishi va ularga ta’sir 
qilishi mumkin edi. Bunday dasturiy mahsulotni ko‘rish 8-15 daqiqa davom etadi.

---