Energetika

Uchlari tekis va parallel uzunlik o‘lchovlari.

Uchlari tekis va parallel uzunlik o‘lchovlari mashinasozlikdagi chiziqli o‘lchashlarning asosi xisoblanadi. Ular uzunlik birligini ishchi etalondan buyumga uzatish uchun, o‘lchov bilan solishtirish usuli bo‘yicha o‘lchovchi asboblarni nolga o‘rnatish uchun, aniq o‘lchovchi asboblarni qiyoslash va graduirovkalash uchun ishlatiladi va yuqori aniqlikdagi o‘lchashlarda qo‘llaniladi. Uchlari bilan o‘lchovchi o‘lchovlar namunaviy va ishchi asboblarga bo‘linadi. SHundan namunaviylari aniq o‘lchovchi o‘lchash vositalarini qiyoslash va graduirovkalash uchun mo‘ljallangan va mashinasozlikda o‘lchashlar birliligini ta’minlashning asosiy vositasi xisoblanadi. Ishchi o‘lchovlar esa detal o‘lchamlarini o‘lchash, stanokni to‘g‘rilash kabi ishlarda qo‘llaniladi.