Esanova shahnoza qabul qildi : nizomov farhod

Bahri urfon duri Sayyid Hasan, ulkim aflok

Yetti durji aro bir ko’rmadi andin duri pok.


Yuqoridagi Alisher Navoiyning piri va do’sti bo’lgan Sayyid Hasan Ardasher vafotiga bag’ishlab yozilgan tarkibbanddan ko’rishimiz mumkinki, Navoiy bu nogahoniy o’limdan qattiq iztirob chekayotganligi tarkibbandning dastlabki baytlaridan yaqqol seziladi. Navoiy bu baytlarda dunyo bog’ining har bir chamani jafo ko’chasi ekanligini, rostlar ya’ni to’g’rilar yaqin insonidan ayrilib, iztirob chekishlarini aytadi. Yana Sayyid Hasan Ardasherni alqab, ilm-u urfon duri, yeti javohirlar sandig’i ham Sayyid Hasan kabi duri pokni uchratmaganini qalamga oladi.

Navoiy o’zining tarbiyasiga va ijodiy kamolotiga ta’sir ko’rsatgan kishilarni asarlasida ehtirom va minnatdorchilik bilan tilga olib o’tadi. Ular orasida Sayyid Hasan o’zgacha mavqega

ega hisoblanadi. Navoiy Sayyid Hasan haqida “ Holoti Sayyid Hasan Ardasher” nomli nasriy asarida ham u haqida juda qimmatli ma’lumotlarni keltirib o’tgan. Bu asar o’sha zamonlarda keng tarqalgan manoqib janrida bitilgan. Manoqib favqulodda xislatli, zakiy va valiy kishilarning siyrati , holoti va tarjimai holini yorituvchi asar bo’lib, unda qahramonning xulq-atvori, ishi va so’zi o’zgalarga ibrat qilib ko’rsatiladi.