Eshitish va muvozanat analizatori funksiyalarini tekshirish

Veber tajribasi (W): 

---

Jaranglab turgan kamertonni, uning oyog„i bosh o„rtasida joylashadigan qilib 
tekshirilayotgan shaxsning tepa bosh suyagiga qo„ying. Kamerton branshlari frontal tekislik 
bo„ylab, ya‟ni o„ng quloqdan chap quloqqa qarab tebranishi kerak. 
Norma xolatda tekshirilayotgan kamerton jaranglashini bosh o„rtasida yoki ikkala quloqda
bir xil eshitadi (norma ←W→). Tovush o„tkazuvchi apparatning bir tomonlama kasallanishida 
tovush kasal quloqqa laterallashadi (masalan, chapga:W→), bunda tovush qabul qiluvchi 
apparatning bir tomonlama kasallanishida esa tovush sog„lom quloqqa laterallashadi (masalan 
o„ng quloqqa: ←W). Quloqlarning turli darajada va turli xarakterda ikki tomonlama 
kasllanishida tajriba natijalarini turli omillarga qarab baholash kerak. 
SHvabax (Sch) tajribasi – tovushning suyak orqali qabul qilinish davomiyligini 
o„zgartirish 
Jaranglab turgan kamertonni tekshirilayotgan shaxsning tepa bosh suyagiga yaqinlashtiring 
va uni bemor eshitishdan to„xtagunicha ushlab turing. So„ng (eshitish qobiliyati normal bo„lgan) 
tekshiruvchi kamertonni o„zining tepa bosh suyagiga qo„yadi, agar u kamertonni eshitishda 
davom etayotgan bo„lsa, u xolda tekshirilayotganda o„tkazilayotgan SHvabax tajribasi 
qisqartiriladi, agar u ham eshitmayotgan bo„lsa, u xolda tekshirilayotgan shaxsda o„tkazilayotgan 
SHvabax tajribasi normal. SHvabax tajribasining qisqarishi tovush qabul qilish apparatining 
kasallanishida kuzatiladi. SHu tarzda tajriba har bir quloqda o„tkaziladi: kamerton 
so„rg„ichsimon o„simta maydonchasiga qo„yiladi. 
Jelle (G) tajribasi: 
Jaranglab turgan kamertonni so„g„richsimon o„sitmaga yaqinlashtiring va bir vaqtning 
o„zida voronka yordamida shu quloqda havoni zichlashtiring. Eshitish qobiliyati normal bo„lgan 
kishi havoning kompressiyalanishi vaqtida qabul qilishning pasayganini sezadi (Jele tajribasi 
ijobiy), bu stremyaning oval darcha tubiga bosishi oqibatida tovush o„tkazish tizimining 
qo„zg„aluvchanligining yomonlashgani sababli bo„ladi. Stremya qo„zg„almas (otoskleroz) 
bo„lganda tashqi eshitish yo„lida havo zichlashtirilganda tovushni qabul qilishda hech qanday 
o„zgarish sodir bo„lmaydi (Jelle tajribasi salbiy). Tovush qabul qiluvchi apparat kasallanganda 
xuddi normadagi kabi tovush pasayishi sodir bo„ladi, ya‟ni Jelle tajribasi ijobiy bo„ladi.