Фалсафа 2021 №3. p65

52
Philosophy and life / ¹ 3 (14) 2021
Tusiy q.s.” maqolasida mutafakkirning bir qancha asarlaridagi umumiy g’oyasini olamni,
borliqni irfoniy tahlili misolida vahdatul vujud ta’limoti davomchilaridan degan xulosa beradi.
Bizning fikrimizcha, Navoiy G’azzoliyning borliq falsafasiga oid qarashlari xulosalarini
taxminan quyidagicha tavsiflash mumkin:
- Navoiy ham G’azzoliy kabi ma’rifiy islom tarafdori edi va aynan shu jihatini qadrlagan.
Olam va ashyolar tabiatini ilm-ma’rifat, aql-zakovat vositasida o’rganib, xulosa qilish
lozimligini uqtiradi;
- ruh nomoddiy asosda, u Àllohga doir bo’lgani uchun, uni aql bilan anglash
mumkin emas;
- ashyolarning faqat qolipini (forma – shakl-shamoyili) ko’ramiz, lekin, qolip ruhdan
bexabar;
- Olamda biz ko’rib turgan ashyolar haqiqiy olam emas ularning ruhidir, haqiqiy
borliq(kivomlik, qayyumlik) Ollohga xosdir;
- Àshyolar tabiatidagi unsurlarning moddiysi va nomoddiysi – hasti nestnamoy va
hasti hastnamoyga bo’linishi;
Àlisher Navoiy vahdatul vujudni yoqlagan va uni ma’rifiy talqini tarafdori bo’lganligini
ko’rish mumkin. Lekin, ma’rifat yo’lidan toymagan ayrim mutafakkirlarni johiliyat qurboni
bo’lganini afsus bilan aytib o’tadi. Àlbatta, unda “vahdat”, “vahdoniya”, “ahad” kabi
islomiy, tasavvufiy istilohlar, Ollohning yagonaligi, butun olamning yagona javhari,
mohiyati, asosi ekanligi Navoiyda iymon darajasida e’tirof etilgan. U “Hayrat ul-abror”da:
Vahdati zotig’a quyoshdek tonuq,
Zarradin afzunu quyoshdin yoruq [À.Navoiy, 1991. b. 9]
Ya’ni, Sening yagona zot ekanliging, olamning butunligi faqat Senga bog’liqligi quyoshdek
ravshan, ular zarradan ham ko’p va quyoshdan yorug’. Boshqacha aytganda, Sening vujuding
zarralardan tortib, quyoshdek ulkan sayyoralar ham Sening vujudingdir va ular bir butunlikni
tashkil etishi kundek ravshan deyilgan. Bu esa vahdoniyat ma’nosini beradi.
Birlik ediyu adadi yo’q edi,
Birdin o’zga ahade yo’q edi [À.Navoiy, 1991. b. 10].
Bu baytda ham Navoiy, O’zing aslda Yakkasanu, lekin, olamdagi seni inoyating
bo’lgan ashyolarning adadi, ya’ni sonu-sanog’i yo’q, O’zing Àhadsan – Yakkasan,
Sening sheriging yo’q, deydi.
Ey bori mavjudg’a sendin vujud,
Balki vujud ahlig’a fayyozi jud [À.Navoiy, 1991. b.11].
Bu yerda, olamdagi hamma narsada Sening vujuding bor, butun mavjudodga saxiylik
vujud bilan fayz bergansan. Ya’ni, olamdagi barcha ashyolarning ham jismi ham mazmuni
va fayzisan degan ma’no yotibdi.
Àvval o’zung, oxiru mobayn o’zung,
Borchag’a xoliq, borig’a ayn o’zung [À.Navoiy, 1991: b.14].
Olamning ibtidosi, hamma narsaning moyasi Sensan, irodang bilan ularni turli vaqt va
zamon mobaynida mavjudligi hamda poyoniga yetkazuvchi ham O’zingsan, barchani Xoliqi
(xalq qiluchi, yaratuvchi, yasovchi), manbasi aynan O’zingsan.
Navoiy hamma asarlarining boshlanishi an’anaviy Olloh hamdiga bag’ishlangan bo’lib,
ularda olamni va borliqni yaratilishi bilan bog’liq panteistik asosga ega. Jumladan, “Saddi
Iskandariy”da,
Vujud ahlining komi judung bila,
Kelib jud qoyim vujudung bila [À.Navoiy, 1991: b.9].

---