Falsafa yakuniy nazorat javoblari 1 Falsafa atamasi va u ifoda etadigan bilimlar majmui. Falsafaning baxs mavzulari va asosiy muammolari

15) Istiqlol falsafasi va yoshlar tarbiyasi.
Bugun ijtimoiy fanlar rivojini zamon talablari darajasiga yetkazish borasida davlat va jamoat tashkilotlari, olim va ziyolilar oldida g`oyatda mas’uliyatli vazifalar turibdi. Birgina «Kadrlar tayyorlash milliy dasturi»ni amalga oshirishning o`zi bir necha yillarga mo`ljallangan keng ko`lamli faoliyat yo`nalishlarini nazarda tutadi. Bugungi kunda siyosiy, mafkuraviy va ma’naviy soxalardagi taraqqiyot vazifalari o`zaro uyg`unlashib bormoqda, ta’sir doirasi ancha kengaymoqda. Ayniqsa, mafkura borasidagi nazariy faoliyat, targ`ibot va tashviqotni xar tomonlama kuchaytirishga aloxida axamiyat berish zaruratga aylanib bormoqda.
Falsafiy dunyoqarash tizimini shakllantirish va rivojlantirish uchun muayyan imkoniyatlarga ega. Ular quyidagilarda ayniqsa yaqqol namoyon bo`ladi: birinchidan, mamlakatimizda ijtimoiy-siyosiy barqarorlik o`rnatilgan; ikkinchidan, axolining siyosiy, iqtisodiy, ma’naviy xaq-xuquqlari qonuniy asosda kafolatlangan; uchinchidan, jamiyatning barcha soxalarini demokratlashtirish va erkinlashtirish davlat siyosati darajasiga kqo`tarilmoqda; to`rtinchidan, mamlakat axolisining ma’naviy-ma’rifiy saloxiyatini rivojlantirish ustuvor axamiyat kasb etgan.
Bularning barchasi falsafiy dunyoqarashni shakllantirish vazifalarini samarali xal qilishga asos bo`lmoqda. Galdagi vazifalar esa, ana shu imkoniyatlarni amaliy ishga aylantirishda xar birimiz o`z mas’ulligimizni qay darajada sezishimiz va qanday faoliyat yuritishimizga bog`liq.
Prezidentimiz I.Karimov aytganidek, «biz komil inson tarbiyasini davlat siyosatining ustuvor sohasi deb e’lon qilganmiz. Komil inson deganda biz, avvalo, ongi yuksak, mustaqil fikrlay oladigan, xulq- atvori bilan o‘zgalarga ibrat bo‘ladigan bilimli, ma’rifatli kishilarni tushunamiz».
Bunday shaxslarni tarbiyalashda tarixga murojaat qilish, uni xolisona yoritib berish zarurati tug‘ildi. Shu o‘rinda tarixchi olimlar tomonidan qilingan xatti-harakatlar tufayli O‘zbekistonning har bir fuqarosi tarixni sun’iy buzib ko‘rsatishning fosh qilingan sir-asrorlarini bilib oldi, o‘z xalqi tarixiga yangi nazar bilan qaray boshladi. Yoshlarda o‘z xalqi tarixiga, madaniy merosiga nisbatan g‘urur hissi shakllantirib borildi. Shu tariqa ma’naviy-ruhiy qadriyatlarning va milliy o‘zlikni anglashning tiklanishi yuz bermoqda.