albatta dori moddasini kapsulada berish kerakligi ko’rsatiladi – in Сapsulis gelatinosis (yoki amylaceis) yoziladi va S. da qo‘llanilishi ko’rsatiladi. Misol. Tarkibida 0,1 dan bromkamfora va 0,05 dan xinidin sulfat bo‘lgan 20 ta kukun qopqoqchali jelatin kapsulalarda yozib berilsin. 1 ta kapsuladan ichish tayinlansin. Rp.: Bromcamphorae 0,1 Chinidini sulfatis 0,05 M.f. pulvis D.t.d.N. 20 in capsulis gelatinosis S. 1 ta kapsuladan ichilsin. Rp.: Omegast 0,02 D.t.d.N. 14 in capsulis gelatinosis S. Me’da yarasida 1 ta kapsuladan ichilsin. - Murakkab tarkibli tijoriy nomga ega kapsulalar. Murakkab tarkibli kapsulalar, odatda, tarkibidagi dori moddalarni birma-bir sanamaslik maqsadida savdo nomlari bilan ataladi.
- Bunday kapsulalarga resept savdo nomi bilan yuritiladigan murakkab tarkibli tabletkalar bilan bir xil tarzda yoziladi. Rp.: belgisidan so’ngra qaratqich kelishigi, ko’plik sonda bosh harflar bilan Capsularum so’zini yozishdan boshlanadi, keyin qo’shtirnoq ichida, katta harflarda dori vositasining nomi va miqdori ko’rsatiladi. Doza ko’rsatilmaydi. Ikkinchi satr D.S belgisi bilan boshlanadi va signatura yoziladi.
- Rp.: Capsularum «Madopar-125» N. 20
- D.S. Kuniga 1 капсулadan 2 mahal ichilsin.
- Rp.: Capsularum «Teofil-200» N. 30
- D.S. Broncholitik sifatida kuniga 1 капсулadan 2 mahal ichilsin.
- HAPDORI (PILYULA)
- Hapdori (bosh kelishik birlik sonda - Pilula, qaratqich kelishik birlik sonda - Pilulae).
- Hapdorilar dozalarga bo’lingan, bir xil plastik mahsulotdan tayyorlangan, sharsimon shakldagi ichish uchun mo‘ljallangan qattiq dori shakli bo‘lib, ularning og’irligi 0,1 dan 0,5 gacha bo’ladi.
- Agar hapdori og’irligi 0,5 dan yuqori bo‘lsa bolyus, 0,1 dan kam bo‘lsa – granula deb ataladi.
- Hapdorilar tayyorlash uchun hapdori asosi, ko‘pincha organik kukunlar va quyuq ekstraktlar ishlatiladi: Extractum et pulvis radicis Glycyrrhizae, Extractum et pulvis radicis Gentianae, Extractum et pulvis radicis Taraxaci. Ushbu shakl beruvchi moddalar Massae pilularum deb yuritiladi.
- Hozirda hapdorilar tabletka, draje, kapsulalar tomonidan “siqib chiqarilgan” bo’lib, nisbatan kam qo‘llaniladi. Hapdorilar dorixonada ex tempore tayyorlanadi. Yordamchi vosita sifatida hapdorilar tayyorlashda kraxmal (Amylum), oq tuproq (Bolus Alba), rux oksidi (Zinci oxydum), gliserin (Glycerinum) qo‘llaniladi.
- Reseptda 25 – 30 hapdori yoziladi, chunki hapdori tayyorlaydigan uskuna shu miqdorga mo‘ljallangan, shuning uchun ham hapdorilardagi dori moddasining miqdori tayyorlanadigan hapdorilar soniga qarab belgilanadi (25 – 30; 50 – 60).
- Misol. Tarkibida 0,001 strixnin nitrati saqlagan 30 ta hapdori yozilsin. 1 hapdoridan ichilsin.
- Hisob: 0,001 x 30 = 0,03
Do'stlaringiz bilan baham: |
