Tabletkalar og’irligi: 0,1 dan 2,0 gacha bo‘lib, o‘rtachasi 0,3 – 0,5 g teng bo‘ladi. Tabletkalar diametri 9 mm dan ortiq bo‘lsa ularni 2 ga bo‘lishni osonlashtirish uchun o‘rtasiga chiziq (faska) tushiradigan puansonlarda presslanadi. Tabletkalar kukunlarga nisbatan qator ustunliklarga ega: yutish oson, noxush organoleptik xossalari namoyon bo‘lmaydi, gigienik nuqtai nazardan yaxshi, arzon va uzoq muddat saqlash mumkin. - Ichish uchun mo’ljallangan tabletkalar 3 ga bo’linadi:
- 1. Oddiy, oshqozonda eruvchan tabletkalar;
- 2. Ichakda eruvchan tabletkalar (oshqozon shirasida barqaror);
- 3. Ta’siri uzaytirilgan tabletkalar
- Tabletkalarga resept yozib berilar ekan, ularning zavodda tayyorlanishini esda tutish lozim, shuning uchun tabletkalarni tayyorlash, ularning tarkibiga kiradigan yordamchi moddalar to‘g‘risida reseptlarda qanday bo‘lmasin yo‘l-yo‘riqlar ko‘rsatilmaydi.
- Oddiy tarkibli tabletkalar: bitta ta’sir etuvchi dori modda saqlaydi. Resept 2 xil ko’rinishda yoziladi;
- a) Rp.: dan so’ngra bosh harf, qaratqich kelishigida dori moddasining nomi, so’ngra bir marotabalik dozasi grammlarda yoziladi. Ikkinchi satrda tabletkalar soni ko‘rsatiladi – D.t.d.N. ... in tabulettis (shunday dozalardan ... tasini tabletkalarda ber), uchinchi satrda esa signatura S. yoziladi.
- Misol. td = 0,05 bo’lgan Dimedrolning 10 ta tabletkasi yozilsin. 1 tabletkadan ichish buyurilsin.
- Rp.: Dimedroli 0,05
- D.t.d.N. 10 in tabulettis
- S. 1 tabletkadan ichilsin. 71 | 88
- b) Rp.: dan so’ngra qaratqich kelishigi birlik sonda, bosh harfda dori shaklining nomi (Tabulettas), so‘ngra qaratqich kelishk bosh harfda dori moddasining nomi va bir marotabalik dozasi (grammlarda) hamda tabletkalarning soni yoziladi. Ikkinchi satrda D.S. yoziladi.
- Misol.
- Rp.: Tabulettas Dimedroli 0,05 – N10
Do'stlaringiz bilan baham: |
