Fiziologiya fanidan davolash ishi, pediatriya, tibbiy profilaktika, tibbiy biologiya va stomatologiya fakultetlari studentlari uchun yozma-og’zaki so’rov nazorat savollari

50. Orqa miya fiziologiyasi; 
Orqa miya. Orqa miya ikkita 
asosiy vazifani: reflektor vazifa va o’tkazuvchi yo’l vazifasini bajaradi. Orqa 
miyaga teri yuzasidagi eksteroreseptorlardan, tana bilan qo’l-oyoqning proprioreseptorlaridan va 
visseroreseptorlaridan impulslar kelib turadi (adashgan nervlar orqali markaziy nerv sistemasiga keluvchi 
visseroreseptiv impulslar bundan mustasno). Orqa miya barcha skelet muskullarini innervasiyalaydi, bosh miya 
nervlaridan innervasiyalanadigan bosh muskullarigina bundan mustasno. Orqa miya gavdadagi barcha murakkab 
harakat reaksiyalarini yuzaga chiqarishda qatnashadi. Ulardan ko’plari orqa miyaning reflektor vazifani bajarish 
natijasi bo’lishi mumkin, boshqa reaksiyalar esa markaziy nerv sistemasining yuqoriroqdagi bo’limlari yuzaga 
chiqaradigan reflekslar natijasida kelib chiqadi. Bu holda orqa miya faqat impulslarni o’tkazuvchi yo’l hisoblanadi. 
51. Uzunchoq miya fiziologiyasi; 
Uzunchoq miya va varoliy ko’prigi (keyingi miya). Uzunchoq miya bilan Varoliy ko’prigi keyingi miya degan 
umumiy nom bilan birlashtiriladi. Ular o’rta miya bilan birga miya o’zanini hosil qiladi. Miya o’zanining tarkibigi 
bir talay yadrolar hamda ko’tariluvchi va tushuvchi yo’llar kiradi. Miya o’zanidagi to’rsimon tuzilma-retikulyar 
formasiyaning muhim funksional ahamiyati bor.
Miya o’zani anatomik va funksional jihatdan orqa miya, miyacha va katta yarim sharlar bilan bog’langan. 
Murakkab koordinasiyali ko’pgina harakat reflekslarining yoylari miya o’zanida tutashadi. Nafas olish yurak 
faoliyati, tomirlar tonusini boshqaradigan hayot uchun muhim markazlar miya o’zanidadir. Hazm a’zolari va 
boshqa bir qancha a’zolarning funksiyalarini idora etuvchi markazlar ham miya o’zanida. 
52. Oraliq miya fiziologiyasi; 
Oraliq miya (diencephalon) anatomiya nuqtai nazaridan miya o’zanining bir bo’limidir. Ammo o’rta miya bilan 
uzunchoq miyaga qarama-qarshi o’laroq, oraliq miya embriogenez jarayonida miyaning oldingi pufagidan katta 
yarim sharlar bilan birga shakllanadi. Oraliq miyaning asosiy tuzilmalari ko’ruv dumboqlari - thalami optici va 
do’mboq ostidagi soha – hypothalamus - dan iborat. Uning funksiyasi organizmdagi vegetativ jarayonlarni 
boshqarishdan iborat bo’lib, quyida ko’zdan kechiriladi.