Fuqarolik ishlari bo‘yicha tumanlararo sudining 2019-yil 16-sentabrdagi sud buyrug‘iga

1-savol (20%) 
Mazkur vaziyatdan kelib chiqib sudlovga tegishlilik qoidalarini tahlil qiling. 
Ushbu vaziyatda sudlovga tegishlilik jihatidan tahlil qiladigan bo’lsak, arizachi 
"FAUST" MCHJ 2022-yil 15-mart kuni javobgar O'zbekiston Respublikasi Bojxona 
qo'mitasiga nisbatan Toshkent tumanlararo ma'muriy sudiga murojaat qilib O'zbekiston 
Respublikasi Davlat bojxona qo'mitasining 2017-yil 8-fevraldagi "Tovarning bojxona 
qiymatiga va (yoki) bojxona to'lovlariga tuzatishlar kiritishni to'ldirish tartibi 
to'g'risidagi yo'riqnomani tasdiqlash haqida"gi 01-02/8-3-son normativ tusdagi qarorini 
haqiqiy emas deb topishni so'ragan.
Ma’muriy sud ishlarini yuritish to’g’risidagi kodeksning 178-moddasiga ko’ra 
fuqarolar yoki yuridik shaxslarning huquqlari va qonun bilan qo‘riqlanadigan 
manfaatlariga daxldor bo‘lgan, vazirliklar, davlat qo‘mitalari va idoralar tomonidan 
qabul qilingan normativ-huquqiy hujjatlarni (bundan buyon matnda idoraviy normativ-
huquqiy hujjat deb yuritiladi) haqiqiy emas deb topish to‘g‘risidagi ishlar ushbu 
Kodeksda nazarda tutilgan umumiy qoidalar bo‘yicha, mazkur bobda belgilangan 
xususiyatlarni inobatga olgan holda ko‘riladi. 179-moddaga binaon, O‘ziga nisbatan 
idoraviy normativ-huquqiy hujjatning amal qilishi tatbiq etiladigan fuqaro yoki yuridik 
shaxs mazkur hujjat O‘zbekiston Respublikasi Konstitutsiyasi va qonunlari bilan 
kafolatlangan uning huquqlari va qonuniy manfaatlarini buzgan deb hisoblasa, ushbu 
idoraviy normativ-huquqiy hujjatni to‘liq yoki qisman haqiqiy emas deb topish 
to‘g‘risidagi ariza bilan sudga murojaat qilishga haqli. Demak, kazusimizda qo’mita 
tomonidan chiqarilgan idoraviy normativ huquqiy hujjatni haqiqiy emas deb topishni 
so’rashi to’g’ri. 
Ushbu kodeksning O‘zbekiston Respublikasi Oliy sudi sudloviga tegishli 
ishlar deb nomlangan ya’ni 30-moddasida keltirilgan. Unga binoan: 

---

O‘zbekiston Respublikasi Oliy sudi birinchi instansiya sudi sifatida: 
1) idoraviy normativ-huquqiy hujjatlar yuzasidan nizolashish to‘g‘risidagi; 
2) O‘zbekiston Respublikasi Markaziy saylov komissiyasi xatti-harakatlari (qarorlari) 
yuzasidan nizolashish haqidagi ishlarni ko‘rib chiqadi. 
O‘zbekiston Respublikasi Oliy sudi qonun bilan o‘z vakolatlariga kiritilgan boshqa 
ishlarni ham birinchi instansiya sudi sifatida ko‘radi. 
Bundan ko’rinib turibdiki, ushbu qaror idoraviy-normativ huquqiy hujjat bo’lgani 
uchun, arizachi Toshkent tumanlararo ma’muriy sudiga emas, Oliy sudga murojaat 
qilishi kerak edi.