Gafarov zafar Jinoyat huquqidan oraliq nazorat ishi-1 Nazariy savollar

Jinoyatning obyekti har ikki jinsdagi jabrlanuvchining jinsiy erkinligi hisoblanadi.
Jabrlanuvchi ayol (erkak)ning xohish-irodasiga qarshi u bilan jinsiy aloqada bo`lish, jabrlanuvchi bokira qizmi yoki "ko`hna." kasb vakili (fohisha)mi bundan qat`i nazar, zo`rlab nomusga tegish hisoblanadi, chunki qonun axloq-odobidan qat`i nazar barchaning jinsiy erkinligini himoya qiladi. Er-xotinlardan birontasi, hatto ular rasmiy nikohda bo`lishsa ham, nomusga tegish natijasida jabrlanuvchi bo`lishi mumkin, zero nikoh er-xotinni jinsiy erkinlikdan mahrum qilmaydi.
Jinoyatning obyektiv tomoni zo`rlik ishlatib, qo`rqitib yoki jabrlanuvchining ojizligidan foydalanib, jinsiy aloqa qilishda ifodalanadi.
Jinoyat kodeksining 119-moddasi “Jinsiy ehtiyojni zo`rlik ishlatib, g`ayritabiiy usulda qondirish” haqida
Ushbu jinoyat turining jinoyat tarkibiy elementlari quydagicha:
Jinoyatning obyekti jabrlanuvchi shaxsning jinsiy erkinligi hisoblanadi.
Obyektiv tomondan jinoyat zo`rlik ishlatib, qo`rqitib yoki jabrlanuvchining ojizligidan foydalanib, jinsiy ehtiyojni g`ayritabiiy usulda qondirishda ifodalanadi.
Mazkur moddada nazarda tutilgan jinoyat:
1) erkak kishining jinsiy ehtiyojini ayol bilan g`ayritabiiy usulda zo`rlik ishlatib qondirishida;
2) ayolning jinsiy ehtiyojini ayol bilan zo`rlik ishlatib qondirishida;
3) erkak kishining jinsiy ehtiyojini erkak bilan zo`rlik ishlatib qondirishida;
4) jinsiy ehtiyojini qondirishga qaratilgan boshqa shahvoniy harakatlarni sodir etishda (masalan, jabrlanuvchini jinsiy a`zo bilan muomala qilishga majburlashda va hokazo) ifodalanishi mumkin.
Subyektiv tomondan jinoyat to`g`ri qasddan g`arazli niyat bilan sodir etiladi. Jinoyatning motivi – shahvoniy aloqa, maqsad – jinsiy ehtiyojni qondirish.
Jinoyatning subyekti o`n to`rt yoshga to`lgan har qanday aqli raso shaxs bo`lishi mumkin.
Mazkur jinoyatning nomusga tegishdan farqi shundaki, nomusga tegishda jinsiy aloqa zo`rlik ishlatib tabiiy usulda sodir etiladi, bu jinoyatlarning boshqa barcha alomatlari esa bir xildir.
Ko`rib chiqilayotgan jinoyat jinsiy ehtiyojni g`ayritabiiy usulda qondirishga qaratilgan zo`ravonlik harakati sodir etilgan daqiqadan e`tiboran, defloratsiya va eyakulyatsiyadan qat`i nazar, tugallangan deb e`tirof etiladi.
Jinsiy ehtiyojni g`ayritabiiy usulda qondirish aybdorning xohish-irodasiga bog`liq bo`lmagan sabablarga ko`ra nihoyasiga yetkazilmagan bo`lsa, qilmish shu jinoyatga suiqasd deb topiladi (masalan: kiyimlarini yechish, muayyan holatda turishga majburlash va hokazo) va JK 119-moddasi hamda 25-modddasi bilan kvalifikatsiya qilinadi.
Jinsiy ehtiyojni zo`rlik ishlatib, g`ayritabiiy usulda qondirishdan ko`ngilli ravishda voz kechish hollari ham uchraydi.
Jinoyat kodeksining 120-moddasi “Besoqolbozlik (erkakning erkak bilan jinsiy aloqa qilishi” haqida