Gara Seýitliýew Saýlanan eserler

PÄKISTANLY DAÝHANYŇ JOGABY
«Haýwan ysgaşa-ysgaşa, ynsan soraşa-soraşa»
Diýipdirler gadym çaglar dünýä gezen babalar,
Egni-başy horaşadan, horaşadan-horaşa,
Ýanyny ýere berip, ýapbaşanja obalar,
Tukat hem-de garraňky görkezýärdi dünýäni...
(Öňümden adam çyksa, saklap bolýarmy meni?)
Sürdüm, ýer sürüp ýören päknstanlyň ýanyna.
Ol ýurduň otuz ýaşda, gojalan daýhanyna,
Birnäçe sorag berip, Şeýle jogap aldym men.
Onuň beren jogaplary çykmaýar hiç beýnimden..

---

215
― Ýer özüňkimi?
— Ýok, aganyňky.
― Suw özüňkimi?
― Ýok, aganyňky.
― Öküz özüňkimi?
— Ýok, aganyňky.
― Azal özüňkimi?
_ Ýok , aganyňky.
― Özüň özuňkimi?
― Ýok, Allanyňky.
ÝÜREKLERN AÝRYLMAZ
Belki, kanun ýazýanlaryň ýokdur mundan habary:
Hindileriň, musulmanlaň göreşjeň şahyrlary,
Döwlet ikä bölünse-de, bölünmändir olar hiç.
Olary böljek bolmak — manysyz hem örän giç.
Iki ýüz ýyl içinde iňlisleň, iblisleri
Musulmanlaň garşysyna gyzdyryp hindileri
Iki süýtdeş dogan halky duşman etdi haýynlar.
Iki dogan aldanyp, döküldi nähak ganlar...
Beýik Hindistan ýurdy birden ikä bölündi;
Hindistan hem Päkistan iki döwlet bar indi.
Emma men gözüm bilen gördüm bu hakykaty:

---

216
Kanunlar demir dyrnak — çakdan bolsa-da gaty,
Hindistanly, päkistanly iki şahyr jana-jan;
Ýüreginde iki dogan bir-birine mähriban.
Gördüm men bu dostlugy ― bu dostluk ýatdan çykmaz.
Dostlugyň öz kanuny bar, başga kanuna bakmaz.
Serhetleri aýrylsa-da, ýürekleri aýrylmaz.
Gaňyrlyp döwülen gol-da, ebedi döwük galmaz.
1959 ý
FAIZ AHMED FAIZE
Ýene seniň, eliňden galamyňy aldylar.
Ýene seniň ýüregiňi tutup türmä saldylar.
Ýene seniň sesiňi kesmäge çykdy perman,
Ýene şol sowuk zynjyr- ýene şol tukat zyndan...
Bize habar ýetende Faiz tutuldy diýip,
Şahyr Faiz zyndana ýene atyldy diýip,
Faiz, seniň dostlaryň bary çytdy gaşyny.
Ýürek bilen syldylar seň çagalaň ýaşyny.
Halkyny söýýän adam şahyryny tutdurmaz.
Halkyň söýmese nadan, halk hem etjegin biler.
Dünýäň dostluk aýdymyn daşa baglamak bolmaz,
Daşdan-da seda çykar, aýdym has-da güýçlener.
«Päk» sözünden alypdyrlar Päkistanyň adyny,

---

217
Päkistanyň şahyry, seniň ýüregiň päkdir .
Hiç bir töhmet garaltmaz päk ynsanyň adyny,
Sen ýene-de çykarsyň, muňa hiç güman ýokdur.
Ýaňja dälmi, şahyr dost, gözel Daşkent şäherniň,
Azat Orta Aziýanyň, altyn nurly säherniň,
Bizi gujagna gysyp, gül hödürläp durany,
Faiz Ahmed Faiziň parlap, gürläp durany...
Ýene-de sen gürlärsiň öz halkyň bagty üçin,
Garaňkylyga garşy, gelejek ýagty üçin,
Beýik maksatlaň ýolunda ýene-de bir görşeris
Görşeris, Faiz, eşit, görşeris biz, görşeris.
1959 ý.