Guliston davlat universiteti xidiraliev k. E. Aholi geografiyasi va demografiya asoslari

 
Abstract 
This manual included principal economical and social notions, geography 
population and connected with this process. And its deeply investigated and analyzed 
subject. Geographical tasks of people and basic demography, demographical social 
movement of population, ethnic and social structure of population manpower and 
their usage population distribution its geographical form development of natural laws 
of population. 
Taqrizchilar: M.R.Usmonov g.f.n., dotsent. 
Q.S. Yarashev g.f.n., dotsent. 
L.Q. Qarshiboeva g.f.n., dotsent. 
 
 
 
 
 
 

 “Fan va texnologiya” nashriyoti, 2014. 

---

3 
Kirish 
 
Aholi geografiyasi–aholining tarkibi, dinamikasi va joylashuvidagi hududiy 
farqlarni, bu farqlarni vujudga keltiradigan qonuniyatlarni, aholining er shari 
bo‘yicha, ayrim mamlakatlar va tumanlar miqyosidagi harakatini, aholi 
manzilgohlarining hududiy tizimlarini va ularning rivojlanishi qonuniyatlarini 
o‘rganadi. Aholi geografiyasi, shuningdek, aholining soni, aholidagi o‘zgarishlar 
bilan ijtimoiy-iqtisodiy ma‘lumotlarning aloqalarini o‘ziga xos yo‘llar bilan 
o‘rganadi.
Demografiya–grekcha–demos–―xalq‖ va grafiya–―tasvirlash‖ so‘zlaridan 
iborat bo‘lib, aholi haqidagi fandir. U aholining soni, hududiy joylashuvi va tarkibini, 
ularning o‘zgarishi va bu o‘zgarishning sabablarini, aholidagi o‘zgarishlar bilan 
ijtimoiy-iqtisodiy ma‘lumotlarning aloqalarini o‘ziga xos yo‘llar bilan o‘rganadi. 
Shuningdek, demografiya aholi takror barpo qilinishining qonuniyatlarini ochib 
beradi. Ko‘rinib turibdiki, aholi geografiyasi bilan demografiya fanlari o‘rganadigan 
masalalar bir biriga juda yaqin.
Shuning uchun aholi geografiyasi demografiya o‘rganadigan va aholiga ta‘luqli 
bo‘lgan demografik statistika tomonidan to‘planadigan ma‘lumotlardan keng 
foydalanadi. Demografiya ham o‘z navbatida o‘rganilayotgan demografik jarayon va