Hám oqıw qóllanbaları menen támiynlew zárúrli esaplanadı

 Laboratoriya jumısların orınlaw dawamında studentlerge qoyilatugın talaplar 
1. Studentler texnika qawipsizligi menen tanısıp shıǵıp oǵan ámel etiwi kerek. 
2. Student náwbettegi ámeliy shınıǵıwda qaysı nomerdegi laboratoriya jumısın orınlawı 
kerekligin oqıtıwshı oǵan bir hápte aldın málim etedi. Bul jerde studenttiń wazıypası 
belgilengen jumıstıń teoriyasın ózlestiriwi, tiyisli qurallar hám jumıstı orınlaw tártibi 
menen tanısıp keliwden ibarat. 
3. Hár bir student laboratoriya jumısları ushın arnawlı esabat dápterin qoyip, bul 
dápterde laboratoriya jumısın qanday atqarǵanlıǵi, alǵan nátiyjeleri haqqındaǵı esabattı 
tártipli etip jazıp barıwı kerek. 
4. Oqıtıwshı student jumıstıń teoriyasın hám jumıstı orınlaw usılın ózlestirgenligine 
isenim payda qilgannan soń,oǵan jumıstı orınlawına ruxsat beredi. 
5. Student jumısqa kiriskennen keyin, oqıtıwshı onıń qurallardan tuwrı paydalanıp 
atırǵanlıǵın, alinıp atırǵan nátiyjelediń anıqlıǵın jumıstı orınlaw dawamında tekserip 
baradı hám studenttiń jumısın atqarǵanlıǵı tuwrısında onıń dápterine hám de 
laboratoriya jurnalına belgilep qóyadı. 
6. Laboratoriya jumısınıń atqarılıwı hám alınǵan nátiyjeler esabatı oqıtıwshıǵa grafik 
boyınsha tapsırıp barıladı. Bul haqqında oqıtıwshı tárepinen student dápterine hám 
laboratoriya jumaliga belgilep barıladı. 
7. Eger student qandayda bir sebepke kóre bir yamasa eki jumıstı atqara almasa, qalıp 
ketken jumıstı sabaqtan tısqarı waqıtta laboratoriya basqarıwshısınıń qadaǵalawında 
orınlawı hám oqıtıwshıǵa bul haqqındaǵı esabattı tapsırıwı shárt. Studenttiń óz 
basımshalıq menen jumıs gezegi grafigin buzıwı qattı qadaǵan etiledi. 
8. Har bir student oqıw semestri dawamında oqıw jumısshı programmasında 
kórsetilgen praktikum shınıǵıwın orınlawı hám barlıq jumıslar boyınsha ulıwma 
kollokvium tapsırıwı kerek. Sonnan keyin oqıtıwshı studenttiń sınaq dáptershesine hám 
sınaqlar betine student toplaǵan balın qóyadı. 
9. Laboratoriya sabaǵı shınıǵıwlarında aktiv hám úlgili qatnasqan, barlıq labaratoriya 
jumıslarınıń nátiyjelerin ilimiy dárejede alıwǵa miyassar bolǵan ayırım studentler 
oqıtıwshı usınısına kóre, kafedranıń sheshimine qaray predmet kollokviumidan hám 
zachyot tapsırıwdan azat etiledi. 
10. Laboratoriyadaǵı ásbap -úskenelerge hám basqa oquw úskenelerine itibarsızlıq 
penen qaraw nátiyjesinde ulardi isten shıǵarǵan student kafedra hám dekanat tárepinen 
materiallıq hám ruqıy jazalanadı. 
11. Ámeliy shınıǵıwlar alıp barılıp atırǵan waqıtta gruppadaǵı basqa studentlerdiń 
jumısında itibarin tartıp shalǵıtpaw, olardıń ólshewlerine kesent bermew kerek.