Hám oqıw qóllanbaları menen támiynlew zárúrli esaplanadı

 
 
 
 
 
 
 
 
 
Elektr ólshewshi ásbaplar menen tanısıw 
Elektr ólshewshi ásbaplar, tok kúshin ólsheytuǵın ampermetr, kernewdi ólsheytuǵın 
voltmetr, ótkizgishten ótip atırǵan zaryadtı ólsheytuǵın galvanometr hám basqada 
ásbaplar jatadı. 

---

12 
Elektr ólshewshi ásbaplardı xarakterleytuǵın tiykarǵı kórsetkishler: - ásbap sisteması, 
dállik klassı, ólshew shekleri hám sezgirligi bolıp esaplanadı. Ásbaplardıń 
shkalasında bular shártli belgiler menen kórsetiledi. 
Ásbap sisteması: Ásbaptıń islewiniń tiykarı etip alınǵan fizikalıq qubılıstıń túrine 
qaray olar tómendegi sistemalarǵa bólinedi: magnitoelektrlik, elektromagnitlik, 
elektrodinamikalıq, jıllılıq hám taǵı basqa. Magnitoelektrlik hám elektromagnitlik 
sistemadaǵı ásbaplar júdá kóp qollanıladı. Magnitoelektrlik sistemadaǵı ásbaptıń 
islewi – turaqlı magnit arqalı usı maydanǵa qoyılǵan qozǵalmalı katushka oramları 
arqalı ótip hám ólshenip atırǵan tok penen óz-ara tásirlesiwine tiykarlanǵan. 
Magnitoelektrlik sistemadaǵı elektr ólshewshi ásbaplar turaqlı tok shınjırlarında 
qollanıladı. Bul sistemadaǵı ásbaplardıń artıqmashlıǵı: joqarı dálligi (0,05 ke 
shekem), joqarı sezgirligi, quwatlıqtı az talap etiwi, júklemege (peregruzka) 
shıdamlıǵı, shkalasınıń teń ólshemli 
bolıwı hám sırtqı magnit maydanına sezgirliginiń az bolıwı. 
Elektromagnitlik sistemadaǵı ásbaptıń islewi – ásbaptıń qozǵalmalı bólegine 
qozǵalmaytuǵın katushkadan, ólshenip atırǵan tok ótkende payda bolǵan magnit 
maydanınıń tásirine tiykarlanǵan. Bul sistemadaǵı ásbaplardıń kemshilikleri: 
salıstırmalı az dálligi (1-2,5), sırtqı magnit maydanına sezgirligi, az toklardı, kishi 
kernewlerdi ólshewde qollanıp bolmaytuǵınlıǵı. 
1-súwret 
2-súwret