I – Бўлим I- боб. Техник эксплуатация қилишни ташкилаштириш

 
862. 
Энергетика объектларида янги ва эксплуатацион энергетик мойларнинг сифатини назорат 
қилишни ва мойларни қўллаш бўйича тавсиялар беришни, ҳамда уларни назорат қилиш жадвалларини 
тузишни ва қайта ишлаш технологиясига техник раҳбарлик қилишни кимё цехи (кимё лабораторияси ёки 
мувофиқ бўлинма) амалга ошириши шарт. 
Электр тармоқларини эксплуатация қилувчи ташкилотларнинг мой хужалиги изоляция ва чақмоқдан 
ҳимоя хизмати ёки раҳбарнинг буйруғи бўйича аниқланган бошқа ишлаб чиқариш бўлинмаси қўл остида 
бўлиши шарт. 
Электр станцияларда электр изоляцион мойларни қайта ишловчи қурилмаларга хизмат кўрсатишни 
электроцех ходимлари, турбина мойларини қайта ишловчи қурилмаларга хизмат кўрсатишни эса – қозон-
турбина цехи ходимлари амалга оширади. 
Электр станциянинг бирлаштирилган марказий мой хўжалиги корхона раҳбарининг буйруғи бўйича 
аниқланган ишлаб чиқариш бўлинмаси қўл остида бўлиши шарт. 
 
863. 
Қурилмаларга қуюлган турбина, трансформатор ва индустриал мойлар учун кимё цехида журнал 
юритилиши шарт, унга: давлат стандарти ёки техник шароит рақами, ишлаб чиқарувчи-завод номи, 
мойнинг синов натижалари, қурилманинг тури ва станциявий рақами, чўкмаларнинг (присадок) 
киритилганлиги ҳақида маълумотлар, қуюлган мойнинг миқдори ва сифати ёзилиши шарт. 
 
864. 
Эксплуатацион мойларни қўшимча таҳлил қилиш кераклиги ва даврийлиги бирон-бир аниқ 
қурилмада уни эксплуатация қилиш бўйича йўриқномасида аниқланиши шарт. 
 
865. 
Энергетик мойларни қурилмаларга ўзатиш ва ундан тукиб олиш бўлак мой қувурлари бўйича, 
мой қувурлари йўқ бўлганда эса – цистерналар ёки метал бочкалар қўллаш орқали амалга оширилиши 
шарт.
Трансформатор мойлари учун олдиндан иссиқ мой ҳайдаш йўли билан тозаланган йиғма мой 
қувурларидан фойдаланиш мумкин. 
Муқим мой қувурлари ишламай турган ҳолатда бутунлай мой билан тўлдирилиши шарт. 
108 

---