I – Бўлим I- боб. Техник эксплуатация қилишни ташкилаштириш

 
900. 
Кучланиши БДМ (ОДЦ) диспетчери томонидан назорат қилинувчи пунктлар рўйхати ҳамда ушбу 
пунктлардаги кучланиш жадваллари ва ростлаш характеристикалари белгиланган тартибда тасдиқланади. 
Кучланиши “Ўзбекэнерго” МДХ (НДС), электр тармоғи тезкор-диспетчерлик хизмати диспетчери 
томонидан назорат қилиниши шарт бўлган пунктлар рўйхати ҳамда улардаги кучланиш жадваллари ва 
ростлаш характеристикалари энергетика тизими бошқарув органи ёки энергетик объектнинг бош 
муҳандиси томонидан аниқланади. 
 
901. 
Истеъмолчилар томонидан реактив қувват манбаидан фойдаланиш тартиби энерготаъминот 
ташкилоти ва истеъмолчи ўртасидаги шартномада акс этади.
 
902. 
“Ўзбекэнерго” МДМ (НДЦ) диспетчери томонидан назорат қилинувчи синхрон компенсаторли 
электр станцияларнинг ва нимстанцияларнинг қисм пунктлари учун энергетика тизимининг статик 
чидамлилиги ва қисмларнинг юкламалари шароитлари орқали аниқланадиган кучланишнинг аварияли 
тушиш чегаралари белгиланади. 
Агар кучланиш ушбу пунктларда кўрсатилган аварияли чегарагача пасайса, синхрон компенсаторли 
электр станциялар ва нимстанцияларнинг тезкор-диспетчер ходимлари генератор ва компенсаторларнинг 
юкланиш қобилиятидан фойдаланиш йўли билан кучланишни мустақил равишда ушлайдилар, 
“Ўзбекэнерго” МДМ (НДЦ) ва БДМ (ОДЦ) диспетчерлари реактив ва актив қувватларни 
электростанциялар ва электр тармоқлари ўртасида қайта тақсимлаш йўли билан уларга ёрдам 
113 

---

кўрсатадилар. Бунда айрим назорат пунктларида кучланишни қурилмалар учун рухсат этилган чегара 
қийматидан юқори кўтаришга рухсат этилмайди. 
Тармоқнинг иш режими ёки схемаси ўзгарганда кучланиш аварияли рухсат этилган чегарадан пастга 
тушиши мумкин бўлган энергетика тизими қисмларида қисм чидамлилиги бузилишининг олдини олиш 
учун керакли ҳажмда юкламани ўчириш автоматикаси ўрнатилади.