I – Бўлим I- боб. Техник эксплуатация қилишни ташкилаштириш

 
181. 
“Ўзбекэнерго БДМ ва МДМ ишлаб чиқариш хизматлари, уларнинг тасарруфида бўлган 
ускуналар ва РҲА қурилмаларининг схемаларига иш режимларига режали ўзгартиришлар 
киритилаётганда тезкор бошқарув даражасига мувофиқ тузилган қўшиб-ажратишларнинг асосий дастури 
ва варақаларига керакли ўзгартиришларни ва қўшимчаларни олдиндан киритишлари шарт. 
 
182. 
Электростанция ва нимстанциялардаги барча қўшиб-ажратишлар, қўшиб-ажратишларни 
бажариш бўйича маҳаллий йўриқномаларга асосан бажарилиши шарт. 
 
183. 
Юқори тезкор-диспетчерлик ходимлари тезкор бошқарувида бўлган электр ускуналарида ва РҲА 
қурилмаларида қўшиб-ажратишлар диспетчер фармойиши бўйича бажарилиши шарт. 
Юқори тезкор-диспетчерлик ходимларининг фармойишисиз ва рухсатисиз, лекин кейинчалик уларнинг 
эътиборига етказиш йўли билан қўшиб-ажратишни бажариш кейинга қолдириб бўлмайдиган ҳолатларда 
(бахтсиз ҳодиса содир бўлганда, табиий офатлар, ёнғин ва авария содир бўлганда) рухсат этилади.
20 

---

Ёнғин ва аварияларни бартарф этишда тезкор-диспетчерлик ходими маҳаллий йўриқномаларга ва тезкор 
ёнғинни ўчириш режасига мувофиқ ҳаракат қилиши шарт. 
 
184. 
Қўшиб-ажратиш фармойишларида юқори тезкор-диспетчерлик ходимлари томонидан 
белгиланган электр ускуналари ва РҲА занжирлари схемаларидаги керакли босқичларга бўлиниши билан 
операциялар кетма-кетлиги кўрсатилиши шарт. 
Қўшиб-ажратишни бошқарувчиларга, бир мақсадни кўзловчи операциялардан иборат тезкор қўшиб-
ажратишларни ўтказишда бир вақтда биттадан кўп бўлмаган топшириқ берилиши шарт. 
 
185. 
Мураккаб қўшиб-ажратишларни икки киши бажариши шарт, улардан бири назорат олиб боради. 
Икки киши қўшиб-ажратишларни бажараётганда назорат олиб борувчи мансаб бўйича катта бўлган киши 
бўлиши шарт. Қўшиб-ажратишларнинг тўғрилиги учун жавобгарлик ҳар иккала бажарувчиларга 
юклатилади. 
Назоратчи шахс ушбу электр ускунасининг схемасини биладиган, қўшиб-ажратишни бошқариш 
қоидаларини биладиган ва энергетик масканнинг фармойиши бўйича қўшиб-ажратишларни бажаришга 
рухсат этилган маъмурий техник ходимлардан бўлиши мумкин. 
Мураккаб қўшиб-ажратишларда РҲА занжирларида операциялар бажариш учун РҲА хизмати 
ходимларидан учинчи кишини жалб этишга рухсат этилади. Ушбу ишчи, олдиндан қўшиб ажратишлар 
варақаси билан танишиши ва имзолаши ҳамда ҳар бир операцияни, қўшиб-ажратишларни бошқарувчи 
шахс фармойиши бўйича бажариши шарт. 
Бошқа ҳамма қўшиб-ажратишлар, ишга лаёқатли блокировка қурилмалари бор бўлганда навбатчилар 
таркибидан қатъий назар якка тартибда бажарилиши мумкин.