I боб. Молия бозорининг назарий асослари молия бозорининг иқтисодий моҳияти

Таянч сўз ва иборалар
Молия бозори, пул бозори, инвестиция бозори, суғурта бозори, валюта бозори, ссуда капитали, молиявий инструментлар.


Ўз-ўзини текшириш учун саволлар

1. 
   Молия бозорининг моҳияти
   
2. 
   Молия бозори таркибий қисмлари
   
3. 
   Молия бозори моделлари
   
4. 
   Молия бозорининг иқтисодиётдаги роли нималардан иборат?
   
5. 
   Пул бозори нима? Пул бозори ўзида нималарни акс эттиради?
   
6. 
   Капитал бозори нима? Ушбу бозор бошқаларидан нимаси билан фарқ қилади?
   
7. 
   Бозорнинг ислом модели вужудга келишининг сабаблари нимада? Ушбу моделнинг ўзига хос хусусиятларини сўзланг.
   

IV БОБ. ПУЛ БОЗОРИ
4.1.Пул бозорининг иқтисодий моҳияти
Бозор учун ишлаб чиқариш бор жойда пул маблағлари ўта муҳим иқтисодий восита бўлади. Пул маблағлари ишлаб чиқаришнинг такрорланишига хизмат қилади, иқтисодий ўсишга кўмаклашади. Пул шаклидаги маблағлар бозор орқали ресурсга айланади, ресурслар иштирокида товарлар яратилади, товарлар сотилиб яна пул олинади. Шундай ҳаракатнинг қайтарилиб туриши иқтисодий жараён юз берганини билдиради. Ҳар бир хўжалик юритувчи субъект ўзининг иқтисодий жараёнини мунтазам равишда давом эттириши учун маълум миқдорда пул маблағлари бўлишини тақозо этади.
Иқтисодчи олимлардан Б. Нидлз фикрича, "Пул – жорий молиявий манбаларда тижорат фаолияти ҳисобининг асосий ўлчов бирлиги ҳисобланади. Пул маблағлари деганда корхона кассасидаги ва банкдаги ҳисоб-китоб рақамида бўлган пуллар, шунингдек, пул эквивалентлари тушунилади"⁵ дейилган.
Пул маблағлари атамасига қуйидагича умумий таъриф беришни мумкин: "Пул маблағлари – мажбуриятларни зудлик билан тўлаш учун ишлатилиши мумкин бўлган барча турдаги маблағларни ўз ичига олади. Пул маблағларига молиявий муассасалардаги жорий ҳисобварақлардаги қолдиқлар, нақд купюрлар, тангалар, валюталар, кичик кассанинг нақд пуллари ва молиявий муассасалар томонидан муддатли депозитлар ва муомаладан чиқариш учун қабул қилинган, корхона кассасидаги конкрет ўтказиб бериладиган пул ҳужжатларидир. Бу ўтказиладиган пул ҳужжатларига оддий чеклар, касса ордерлари, мижозлар чеклари, пул ўтказмалари ва бошқа ҳисоб-китоб воситалари киради". Баланснинг "Пул маблағлари" моддасидаги қолдиқ пул ҳисобварақларига кирадиган барча турдаги маблағларни акс эттиради. Маълумки, пул эквивалентлари – пул маблағларига ўхшайдиган, лекин бошқача таснифланадиган активлардир. Улар хазина векселлари, тижорат қоғозлари ва депозит сертификатлардан иборат. Кечикишлар ва жарима санкциялари пул эквивалентларининг пул маблағларига алмаштирилишига таъсир қилиши мумкин. Шунинг учун, эквивалентлар касса ҳисобварағидан олинади. Кўпинча пул эквивалентларини ҳисоб-китоб воситасига айлантириш эҳтиёжи йўқ. Эквивалентлар одатда қисқа муддатли инвестиция ҳисобварағига олиб борилади.
Пул маблағларидан самарали фойдаланишни ташкил этиш кўп жиҳатдан корхоналарда пул маблағларининг ҳаракатини оптимал бошқаришни ташкил этиш ва улар устидан назоратни яхшилашга боғлиқ. Пул маблағлари назоратини ташкил этишнинг асосий элементларидан бири эса корхонанинг ҳисоб-ракамидир. Яъни ҳисоб-рақамдан самарали фойдаланишни максимал даражада таъминлаш, барча кириб келаётган пул маблағларини албатта банк орқали ҳисобга олиш, барча турдаги тўловларни банклар чиқарган чеклар ёки шунга ўхшаш ёзма топшириқномалар ва уларнинг махсус пул маблағлари фонди орқали амалга ошириш лозим. Агар кўрсатилган тартибга қатъий амал қиладиган бўлса, у ҳолда пул маблағларининг ҳисоби икки томонлама бўлади: биринчиси – корхонанинг ўзида, иккинчиси эса банкда хисобланади.
Пул маблағлари ҳисоби тўғрисидаги иқтисодчи олим Д.А. Панков қуйидаги фикрларни илгари суради: “Пул маблағларининг режали ҳаракатининг ҳисоби корхонада режалаштирилаётган даврда пул маблағлари оқими ва уни хўжалик фаолиятидаги ҳаракатини назорат қилиб туришни таъминлаш мақсадида амал қилинади. Пул оқими пул маблағларининг ортиқчалилиги ёки етишмаслилиги даражасини аниқлашга ва режалаштиришга ёрдам беради, шунинг асосида оборотга керак бўладиган кредит ресурсларининг миқдори ҳамда суммасини аниқлаш, бундан ташқари уни қоплаш муддати ва суммасини, кредитлар бўйича фоизлар тўловини аниқлайди”⁶, деб таъкидлайди.