I-мавзу. Бухгалтерия ҳисоби, унинг моҳияти ва аҳамияти

Касса операцияларини акс эттирувчи бухгалтерия ўтказмалари
Корхона кассасидаги миллий валютадаги пул маблағларининг мавжудлиги ва ҳаракати тўғрисидаги ахборотни умумлаштириш учун 5010-«Миллий валютадаги пул маблағлари» счётидан фойдаланилади. Ушбу счётнинг дебети бўйича корхона кассасига келиб тушган пул маблағлари акс эттирилади (қуйида асосий операциялар келтирилган).

Банкдаги ҳисобрақамдан пул маблағлари кассага келиб тушди (иш ҳақи, нафақа, мукофотлар ва шу кабиларни бериш учун):

Дт 5010 «Миллий валютадаги пул маблағлари»;

Кт 5110 «Ҳисоб-китоб счёти».

Ҳисобдор шахслар томонидан ишлатилмаган олдин олинган бўнакларнинг қайтарилиши акс эттирилди:

Дт 5010 «Миллий валютадаги пул маблағлари»;

Кт 4200 «Ходимларга берилган бўнакларни ҳисобга олувчи ҳисобварақлар».

Маҳсулот, товар, иш ва хизматларнинг нақд пулга сотилиши акс эттирилди:

Дт 5010 «Миллий валютадаги пул маблағлари»;

Кт 9010 «Тайёр маҳсулотларни сотишдан даромадлар»;

Кт 9020 «Товарларни сотишдан даромадлар»;

Кт 9030 «Ишлар бажариш ва хизматлар кўрсатишдан даромадлар».

5010-ҳисобварақ кредити бўйича корхона кассасидан тўланадиган пул маблағлари ва лимитдан ортиқча пулни банкка топшириш акс эттирилади.