I rivojlantirish vazirining 2022 yil

Sportni rivojlantirish vazirining 2022 yil ____ oktyabrdagi ____-son buyrug’iga
ILOVA


Sporti rivojlantirish vazirligi tasarrufidagi sport turlari
bo’yicha ixtisoslashtirilgan sport maktablari
va sport maktablarining
Trenerlar kengashi to’g’risidagi
NIZOM


Mazkur Nizom sport turlari bo’yicha ixtisoslashtirilgan sport maktablari va sport maktablari (keyingi o’rinlarda – sport maktablari) trenerlar kengashining maqsadi, asosiy vazifalari va uning faoliyatini tashkil qilish tartibini belgilaydi.
1-bob. Umumiy qoidalar
1. Sport maktablarida trenerlar kengashi faoliyat ko’rsatadi.
2. Trenerlar kengashi sport maktablari faoliyatiga doir asosiy masalalar kollegiyada muhokama qilinadigan, o’quv-tarbiya jarayonini rivojlantirish, takomillashtirish, uning faoliyati bilan bog’liq barcha tashkiliy masalalarni muvofiqlashtirish bo’yicha doimiy faoliyat yuritadigan oliy organ hisoblanadi. Trenerlar kengashining faoliyati jamoatchilik asosida tashkil etiladi.
3. Mazkur nizom talablari vazirlik tizimidagi sport maktablariga nisbatan tatbiq etiladi.
4. Trenerlar kengashi o’z faoliyatida O’zbekiston Respublikasining Konstitusiyasi va qonunlariga, O’zbekiston Respublikasi Oliy Majlis palatalarining qarorlariga, O’zbekiston Respublikasi Prezidentining farmonlari, qarorlari va farmoyishlariga, O’zbekiston Respublikasi Vazirlar Mahkamasining qarorlariga, ushbu nizomga, boshqa qonunchilik xujjatlariga, shuningdek sport maktablarining ustaviga amal qiladi.
5. Trenerlar kengashi sport maktablarining yillik ish rejasida belgilangan masalalar asosida o’tkaziladi.