Iii bob. Boks taktikasi
“Tez sur’atli” bokschiga qarshi jang
Download 85.08 Kb. Pdf ko'rish
|
БОКС НАЗАРИЯСИ ВА УСЛУБИЁТИ Lotincha печат 2015
|
3.2.1. “Tez sur’atli” bokschiga qarshi jang
Musobaqalarda raqib bilan yaqinlashishga faol boruvchi, o‘rta yoki yaqin masofada zarba seriyalari bilan tez sur’atda harakat qiluvchi va ko‘p sonli zarbalar berish hisobiga jangda g‘alaba qozonishga intiluvchi bokschilar ko‘p uchraydi. Ular birinchi raunddanoq yuqori, raqib kuchi etmaydigan sur’atni (uni ikkinchi, uchinchi, to‘rtinchi raundlarda asta-sekin kamaytirib yoki, aksincha, raunddan raundga oshirib) taklif qiladilar. Bokschining bunday raqib bilan olishuvdagi taktikasi shundan iboratki, u jang oxirigacha o‘z kuchini saqlab qolishi va raqib baland bo‘lmagan sur’at taklif qilgan raundlarda ochkolar jamg‘arishi lozim. Jang sur’ati o‘ta yuqori bo‘lgan raundlarda bokschi yutqazmaslikka yoki daqimal darajada yutqazishga intilishi zarur. Bunda u raqibni unga xos bo‘lmagan masofada o‘z harakatlari bilan toliqtirishi kerak. Ushbu holda bokschining harakatlari ko‘proq uzoq masofada tez, turli-tuman va keng manyovr olib borishdan iborat. Buni u orqaga va yon tomonlarga qadam tashlashlar, og‘ishlar bilan birga bajarishi lozim. Manyovr olib borish qarshi zarbalar, tezkor, keskin hujumlar, asosan uzun zarbalar bilan birga bajariladi. Bokschi raqib masofasida ushlanib qolmaslikka harakat qiladi va har bir hujum yoki qarshi hujumdan so‘ng uzoq masofaga chiqadi. U o‘rta masofadagi hujumlarni himoyala- nishlar – asosan og‘ishlar va sho‘ng‘ishlar, ba’zan to‘sishlar bilan birga tezkor zarbalar yordamida rivojlantiradi. Bunda raqibga uning uchun qulay bo‘lgan masofada o‘rnashib olishga to‘sqinlik qilish maqsadida, zarba berilgandan so‘ng zudlik bilan orqaga qaytish zarur bo‘ladi. Ushbu holda, agar raqib o‘rta yoki yaqin masofada jang olib borishga undasa, bokschi birinchi bo‘lib zudlik bilan zarbalar seriyasini amalga oshirishi hamda u orqaga qaytishi yoki uning zarbalarini ustma-ust to‘sib qo‘yishi yoki “klinch” holatiga o‘tishi zarur. Agarda bokschi ring arqonlari yoki burchaklariga qisib qo‘yilsa, u ushbu holatdan tezda chiqib ketishi yoki raqibi qo‘llarini boylashi lozim. 78 |
