Iii bob. Boks taktikasi

3.2.4. Qarshi hujumlarni afzal ko‘ruvchi bokschiga qarshi jang
Jangni qarshi hujumlar asosiga quradigan bokschilar eng mohir bokschi-lardan
biri hisoblanadilar, chunki, yuqori tezkorlikka ega bo‘la turib, ular raqibni ustalik
bilan hujumga chorlaydilar hamda bu hujumlarni bir zumda himoyala-nishlar va
qarshi hujumlar yordamida to‘xtatadilar.
Bunday bokschilarga qarshi jang olib borish taktikasi shundan iboratki, bunday
bokschilarni ularga xos bo‘lmagan uslubda va odatiy bo‘lmagan masofada jang olib
borishga majbur qilish lozim.
Buning uchun chorlashlar – yolg‘ondan hujumlar va ochilishlar (keyin-chalik
o‘rta hamda yaqin masofalarda rivojlantiriladigan qarshi hujum); hujum harakatlari
bilan birga amalga oshiriladigan yo‘l-yo‘lakay himoyalanishlar – yaqinlashish,
hujumlar va qarshi hujumlar; hujum va qarshi hujumlarni rivoj-lantirish paytida
zarbalar hamda himoyalanishlarni birga bajarish; kutilmagan hujumlar (tez oldinga
siljish va keyinchalik rivojlantirish bilan); yaqin masofadagi jang qo‘llaniladi.
Tajribali bokschi raqibini hujum qilishga majbur eta oladi, ya’ni uni o‘ziga xos
bo‘lmagan uslubda jang olib borishga undaydi, so‘ngra esa yaqin masofa-dagi jangda
80

---

muvaffaqiyatga erishib, hujumni keskin va tezkor qarshi hamda javob qarshi hujum
yordamida to‘xtatadi.
3.2.5. Kombinatsion jang olib boruvchi universal bokschiga qarshi jang
Kombinatsion jang qo‘llaydigan bokschilarning taktikasi turli-tumandir. Bunday
bokschilar ham kuchli, ham kuchsiz zarbaga ega bo‘lishlari mumkin, lekin ularning
hammasi ochkolarda katta ustunlikka erishish hisobiga jangda g‘alaba qozonadilar.
Bunday bokschilar hamma masofalarda ishonchli harakat qiladilar, yaxshi manyovr
olib boradilar va turli taktik ko‘rsatmalarni – aldab o‘tish va kuchli zarba, zarbani tez
sur’at bilan uyg‘unlashtirgan holda hamma jangovor vositalardan ustalik bilan
foydalanadilar.
Aynan kombinatsion jang bokschi mahoratini ko‘rsatib beradi: har qanday
taktika turiga qarshilik ko‘rsata olishga va olishuv davomida yuzaga keladigan turli
xil taktik vazifalarni ustalik bilan hal qilishga imkon yaratadi.
Kombinatsion jang qo‘llaydigan raqib bilan jang olib boruvchi bokschining
asosiy taktik vazifasi jang xususiyatlarini, ya’ni raqibning yaxshi ko‘rgan maso-fasi,
qo‘llaydigan usullari, hal etuvchi zarba uchun masofani aniqlashdan iborat. Maqsad –
raqibga kombinatsion jangni, uning asosiy harakatlarini yo‘qqa chiqarish va bo‘g‘ib
qo‘yishga qaratilgan kombinatsion jang olib borish uslubini qarshi qo‘yish. Yana
raqibga xos bo‘lmagan jang sur’atini taklif qilish juda muhim.
Ushbu holda harakatlar raqib xususiyatlariga va uning jang olib borish uslubiga
bog‘liq. Bokschi taktikaning hamma asosiy turlaridan foydalanishi mumkin. Agar
bokschi, bundan tashqari, yana kuchli zarbaga ega bo‘lsa, mumkin bo‘lgan zarbadan
ehtiyotlanish hamda raqib uchun zarba berish qiyin bo‘lgan masofadan turib jang olib
borish, boz ustiga, raqib kuchli zarba berishga shay turgan paytda masofani
o‘zgartirish zarur.