Ijtimoiy- iqtisodiy fanlar

2. «FABERLIC» korporatsiyasi tavsifnomasi

«FABERLIC» korporatsiyasi bu – rossiyalik tijorat tashkiloti bo`lib, uning asosiy faoliyat yo`nalishi go`zallik va salomatlik uchun tovarlar ishlab chiqish va sotish hisoblanadi.
Kompaniyaning quyidagi mahsulotlari eng ko`p tarqalgan va omaviylashgan:
-dekorativ kosmetika,
-sapropel’ (Moltaevo ko`lining davolash-kosmetik sapropel’ balchiqlari), biokokteyli,
-kislorod kosmetikasi, uning tarkibiga unikal transdermal kislorod vositasi - AKVAFTEM (savdo markasi) kiradi. Ushbu kislorodli kosmetika bir necha marta «INTERSHARM» Xalqaro ko`rgazmasida diplomlar bilan taqdirlangan.
2000 yil korporatsiya mahsulotlari Rossiya parfyumeriya-kosmetika assotsiatsiyasi ekspertlari tomonidan yuqori baholandi, firma to`qqiz nominatsiyaning to`rttasida mukofot oldi.
Asosiy faoliyat yo`nalishlari:

• 
  fan-texnika bazasi asosida yangi tovarlar ishlab chiqish;
  
• 
  tovarlar ishlab chiqarish;
  
• 
  Rossiyalik olimlarning zamonaviy ixtirolari asos qilib olingan va eng yangi ishlab chiqarish texnologiyalari foydalanilgan go`zallik va salomatlik uchun tovarlarni sotish;
  
• 
  distrib’yutorlik faoliyatini amalga oshirish.
  

Tovarni bozorda harakatlantirishning eng muhim omili muvaffaqiyatli topilgan marketing rejasi hisoblanadi. Marketing rejasining tarkibiy qismlari quyidagilardan iborat:

• 
  birinchidan, bu xomashyo. Korporatsiya asosiy e`tiborni mahalliy xomashyo - AKVAFTEM emul’siyasi va eksklyuziv faol qo`shimchalarga qaratadi. Bundan tashqari, kosmetik mahsulotlar tarkibiga kiradigan 160 dan ortiq ingredientlar dunyodagi etakchi ishlab chiqaruvchilar, xususan, Angliyaning «CRODA» firmasi, Germaniyaning «BASF», «HENKEL» kompaniyalari va boshqalardan (jami 21 mamlakat va 156 ishlab chiqaruvchi) sotib oladi. SHubhasizki, korporatsiya xomashyo etkazib berish bo`yicha uzoq muddatli shartnomalar tuzishi, shuningdek, olingan xomashyo sifatini qattiq nazorat qilishi ham muhim ahamiyat kasb etadi;
  

• 
  ikkinchidan, asbob-uskunalar. Mahsulot tayyorlash jarayoni to`liq yuqori texnologiyali uskunalarga o`tkazilgan (vakuumli gomogenizatorlar);
  

• 
  uchinchidan, ilg’or texnologiyalar. Kompaniya bir nechta xalqaro farmatsevtika laboratoriyalari bilan xomashyo texnologiyalarini ishlab chiqish bo`yicha hamkorlikni yo`lga qo`ygan.
  

Korporatsiya Moskva viloyati Balashixa rayoni Sobolixa poselkasida ishlab chiqarish zavodiga ega. Ishlab chiqarish quvvatlari miqyosi bo`yicha va barcha quvvatlardan to`liq foydalanilganda bu zavod mamlakatdagi «Svoboda» fabrikasi (Moskva), «Nevskaya kosmetika» (Saknt-Peterburg), «Kalina» kontserni (Ekaterinburg) kabi eng yirik korxonalar bilan bir qatordan o`rin oladi.
Kompaniyaning servis markazlari Rossiyaning 40 dan ortiq mintaqalarida ochilgan. Rossiya va yaqin xorij mamlakatlarining (Ukraina, Belorussiya, Qozog’iston, O`zbekiston) 280 ga yaqin shaharlarida kompaniyaning o`ziga xos mahsulotlari sotilmoqda. Uzoq xorij bilan ishlash bo`yicha dastlabki loyiha Pol’shada ochilgan.
Bqori servis darajasini quyidagilar ta`minlaydi:

• 
  hisoblash markazi;
  
• 
  marketing va reklama bo`limi;
  
• 
  sotuv bo`limi;
  
• 
  transport bo`limi;
  
• 
  xizmat ko`rsatish bo`imi;
  
• 
  kompaniyaning web-sayti (www.faberlic.ru) va internet-magazini mavjudligi.
  

Kompaniyaning jadal rivojlanishi uning barqarorligi, ishonchliligi va istiqbolga egaligidan dalolat beradi.