Ijtimoiy- iqtisodiy fanlar

3. «FABERLIC» kompaniyasi faoliyatining marketing tahlili
a) Sotuv bozori tahlili
«FABERLIC» kompaniyasi tovarlarni Rossiya bozoriga ham, tashqi bozorga ham etkazib beradi.
Bugungi kunda «FABERLIC» kompaniyasi mamlakat bozorida etakchi o`rinlardan birini va xalqaro bozorda kosmetika mahsulotlari ishlab chiqarish bo`yicha dunyoda sakkizinchi o`rinni egallagan. Kompaniya har yili sotuv hajmini oshirib borishi tufayli shunday xulosa chiqarish mumkinki, chiqarilayotgan tovarlar barqaror talabga ega va o`zining o`sish bosqichida turibdi. Firma mahsulotlari Rossiyada kosmetikasi ishlab chiqarish hajmining 80%ini tashkil qiladi.
Tayyor mahsulotni sotishda quyidagilarga intilish zarur:

• 
  ichki bozorda tayyor mahsulot sotishni oshirish;
  
• 
  o`z ishlab chiqarishini va o`z savdo tarmog’ida kosmetik mahsulotlar sotishni rivojlantirish;
  
• 
  chet ellik hamkorlar bilan savdoni rivojlantirish;
  
• 
  potentsial xaridorlarni jalb etish va mahsulot sifatini oshirish uchun ilmiy-tadqiqotchilik faoliyati natijalaridan foydalanish.
  

Bugungi kunda dunyoda parfyumeriya va kosmetika ishlab chiqarish «AVON», «Procter g` Gamble» kabi bir nechta yirik kompaniyalar qo`lida mujassamlashgan bo`lib, ular dunyo miqyosida kosmetik mahsulotlar ishlab chiqarishning taxminan 70%i va bu mahsulotlar savdosining 80%ini nazorat qiladi. YAngi mingyillikda insoniyatning go`zal va maftunkor qismi kosmetika talvasasidan qutilishi amrimahol, shuning uchun tashqi muhitning o`zgarish bashorati optimistik va «FABERLIC» kompaniyasining rivojlanishi uchun qulay hisoblanadi.


a) CHiqarilayotgan mahsulot tahlili.
«FABERLIC» - mamlakatdagi tarkibiga molekulyar va hujayrali kosmetologiya kiritilgan dastlabki kosmetik liniya.
Ishlab chiqarish quyidagi yo`nalishlarda olib boriladi:

• 
  yuz terisi, tana, soch uchun mo`ljalangan «FABERLIC» kislorodli kosmetikasi (75 turdan ortiq mahsulot);
  
• 
  og’iz bo`shlig’i uchun mo`ljallangan vositalar;
  
• 
  «Lyuks» klassli parfyumeriya;
  
• 
  «Vkus jizni» biologik faol qo`shimchalar;
  
• 
  dekorativ kosmetika;
  
• 
  aksessuarlar;
  
• 
  VIP-salona «FABERLIC» VIP-saloni, shuningdek, Moskva shahri va Rossiyaning boshqa mintaqalaridagi ko`plab salonlar uchun asos hisoblanadigan professional kosmetika seriyasi.
  

CHiqarilayotgan mahsulotlar rentabellik darajasi ~ 5%.
Ishlab chiqarishda kerakli bilimlar va yuqori professional tayyorgarlikka ega bo`lgan malakali xodimlar jalb qilingan.
Korporatsiya tovar siyosatining asosiy elementi sifat hisoblanadi. Barcha mahsulotlar sertifikatlangan va farmatsevtika standartlariga tenglashtirilgan sharoitlarda ishlab chiqariladi. Test sinovlari natijalariga ko`ra kompaniya ekologik toza va xavfsiz mahsulot ishlab chiqaruvchi korxonalar Davlat reestriga kiritilgan.
Dunyoda kompaniya chiqarayotgan mahsulotlarga o`xsha mahsulotlar bor, biroq tarkibiga kiradigan elementlar sifati bo`yicha kompaniya mahsulotlari ko`plab xorijiy firmalarning mahsulotlaridan ustun turadi.
«FABERLIC» kompaniyasi taqdim etayotgan tovarlarni yanada detalli ko`rib chiqish uchun tovarning uch darajali tahlilini keltirib o`tamiz, bunda tovarning mohiyati, amaldagi tovar va qo`shimcha tovar farqlanadi.