Ikkinchi qism toshkent – 2023

 
Foydalanilgan adabiyotlar ro‘yxati: 
1. Yo‘ldasheva S. Folklor-etnografik jamoalar uslubiyoti. T.: Navro‘z – 2014.
2. Tuzuvchi va mas’ul muharir: Yo‘ldasheva S. Nomoddiy madaniy meros 
va etnomadaniy qadriyatlar. Ilmiy seminar materiallari. T.: Navro‘z – 2014. –
3. Tuzuvchi va mas’ul muharir: Yo‘ldasheva S. O‘zbek xalqining milliy 
folklor san’ati va etnomadaniy qadriyatlari. Ilmiy to‘plam. T:, Navro‘z – 2014.
4. Ma’naviyat: asosiy tushunchalar izohli lug‘ati. – T.: G‘afur G‘ulom 
nomidagi nashriyot-matbaa ijodiy uyi – 2007.
5. Nazarov Q.N Aksiologiya. Qadriyatlar falsafasi. – T.: Faylasuflar milliy 
jamiyati – 2004.
MAMLAKATIMIZ TARAQQIYOTINING HOZIRGI BOSQICHIDA 
YOSHLAR TARBIYASINING DOLZARB VAZIFALARI 
 
Bo‘stonov Abduqahhor Sodiqovich 
Namangan viloyati pedagoglarni
yangi metodikalarga o‘rgatish milliy markazi 
Ijtimoiy-iqtisodiy fanlar va tillarni o‘qitish
metodikasi kafedrasi o‘qituvchisi 
Annotatsiya: maqolada hozirgi davr yoshlar tarbiyasining obyektiv 
omillariga, yoshlar tarbiyasida ta’lim muassasa, oila va ijtimoiy muhitning 
birligiga e’tibor qaratilgan. Ma’naviy-ma’rifiy tarbiya ishida amal qilishi lozim 
bo‘lgan tamoyillar hamda tarbiyaviy ishlarning dolzarb masalalari 
tushuntirilgan. 

---

205 
Kalit so‘zlar: ma’naviy-ma’rifiy tarbiya, ijtimoiy muhit, ta’lim-tarbiya, 
oila, tamoyil, uzviylik, pedagogik-psixologik. 
Bugungi kunda dunyoda globallashuv jarayonlari kuchayib, tinchlik va 
barqarorlikka yangi tahdid va xatarlar tobora ko‘payib bormoqda. Bunday 
murakkab va tahlikali vaziyat ma’naviy-ma’rifiy tarbiya sohasida amalga 
oshirilgan ishlarni tanqidiy baholab, uning faoliyatini zamon talablari 
asosida takomillashtirishni taqozo etmoqda[1] 
Har bir inson taraqqiyotning ma’lum bir bosqichidagi jamiyatda, ya’ni 
zamon va makonda yashaydi, davr va ijtimoiy muhit shaxs shakllanishida 
asosiy rol o‘ynaydi. Yoshlar tarbiyasida davrning hususiyatlaridan kelib 
chiqish zarur. Hozirgi davrning asosiy hususiyati bu – globallashuv va o‘ta 
axborotlashgan jamiyatda yashayotganligimizdir. Mamlakatimiz Prezidenti 
Shavkat Mirziyoyev so‘zlari bilan aytganda, “bugungi kunda shiddat bilan 
o‘zgarib borayotgan hayot oldimizga qo‘yayotgan bir-biridan murakkab va 
muhim masalalarni hal qilish haqida o‘ylar ekanmiz, ularning yechimi aynan 
ta’lim-tarbiya bilan, yoshlarning dunyoqarashini zamonaviy bilim, yuksak 
ma’naviyat va ma’rifat asosida shakllantirish bilan bog‘liq ekaniga yana bir 
bor ishonch hosil qilamiz”[2]. 
Ta’lim-tarbiyada yoshlarning hayotiy qiziqishlari va mo‘ljallari albatta 
hisobga olinishi kerak. Bunda masalaning ikki jihatini bilish va e’tiborga 
olish zarur. Birinchidan, o‘quvchi va talaba yoshlarning hayotiy qiziqishlari 
va mo‘ljallari ularning ehtiyoj va maqsadlari bilan mos bo‘lishi zarur.