Илова физик – кимёвий катталиклар ва халқаро система (СИ) бирликлари

Ароматик углеводородларни гидрирлашда ишлатиладиган никельвольфрамли катализатор
Ароматик углеводородларни гидрирлаш никель-вольфрамли катализаторини сульфид шаклида ишлатилади. Одатда бу контакт массасининг таркиби: 2 моль никель сульфид (NiS) га 1 моль вольфрам сульфид (WS₂) тўғри келади. Таркибида 40-50% оғирликда Al₂O₃ бўлган катализатор арзон ҳисобланади. Лекин Al₂O₃ қўшилиши контакт массанинг гидрирланиш хусусиятини пасайтириб, унинг селективлигини ўзгартиради, ҳамда изомерланиш хусусиятини оширади.
Катализатор тайёрлаш технологияси содда бўлиб, ҳар бир компонентни айрим тайёрлашга асосланган. Тайёрланган компонентларни кейин бирга аралаштириб, термоишлов берилади. Компонентларни айрим чўктириш катализатор сифатини яхшилайди ва тоза компонентли катализатор олишни таъминлайди.
Никель нитрат (Ni(NO₃)₂)_ва натрий карбонат (Na₂CO₃) тузлар эритмалари бирга қуйилиб, 20-25⁰С ҳароратда ва pН=88,5 да чўктирилади. Бунда никель гидроксикарбонат тузи чўкмага тушади.
2Ni(NO₃)₂+ Na₂CO₃ = (NiOH)₂CO₃+2NaNO₃
Фильтрланган чўкма ювилади, қуритилади ва толқон қилиб майдаланади. Аралаштиргичда вольфрам кислотаси ва никель гидроксикарбонат кукунлари билан аралаштирилади. Аралаштириш жараёнида никельвольфрам оксидли масса ҳосил бўлиб, уни H₂S ва водородли муҳитда 425-450⁰С да термик қайта ишланади. Бунда никельвольфрам оксиди сульфид никельвольфрамга ўтади. Сульфидли никель-вольфрам массаси майдаланиб, шакл берилади.
Катализаторда гидрирлаш жараёни 220-370⁰С да олиб борилади. Катализатордаги Al₂O₃ миқдорининг ошиши бензолни гидрирлашда жараённинг ҳарорати 15-20⁰С гача оширишга олиб келади. Ишчи ҳарорат шароитида 10-27 МПа босимда ва ҳажмий тезлик 0,3-0,5 соат^-1 да бензолдан циклогексаннинг ҳосил бўлиши 99% ни ташкил этади.