Bitiruv malakaviy ishining ob’ekti:Prezident Sh.Mirziyoyevning O‘zbekistonda ta’lim-tarbiya tizimini yanada rivojlantirish yo‘lida qabul qilgan qaror va farmonlari,asarlari hamda ma’ruzalari tashkil etadi.
Bitiruv malakaviy ishining predmeti:O‘zbekistonda yoshlarga oid amalga oshirilayotgan islohotlar, yoshlarning ta’lim-tarbiyasini yangi bosqichga ko‘tarish hamda ularning ma’naviy-axloqiy ongini yuksaltirish jarayonlari tahlilidan iborat.
Bitiruv malakaviy ishining metodologik asosini analiz va sintez, kompleks va tizimli yondashuv, dialektik tahlil, ob’ektivlik, aksiologik yondashuv tashkil etadi.
Bitiruv malakaviy ishining nazariy va amaliy ahamiyati: Tadqiqotning ilmiy ahamiyati shundan iboratki, Prezident Sh.Mirziyoyev tomonidan ilgari surilgan ilmiy va falsafiy g‘oyalardan, umumlashtirilgan ilmiy xulosalardan ushbu yo‘nalishdagi nazariy-ilmiy va nazariy-fundamental tadqiqotlar hamda metodologik yondashuvlarni takomillashtirishda foydalanish mumkinligi bilan izohlanadi.
Tadqiqot natijalarining amaliy ahamiyati mamlakatimizda yoshlar ta’lim-tarbiyasini yangi bosqichga ko‘tarishga qaratilgan normativ-huquqiy hujjatlar bazasini takomillashtirish yoshlar ma’naviyatini yanada yuksaltirishga xizmat qilishida namoyon bo‘ladi. Oliy ta’lim, fan va innovatsiyalar vazirligi, Respublika Ma’naviyat va ma’rifat markazi, Yoshlar ishlar agentligining talaba-yoshlar bilan o‘tkaziladigan davra suhbatlari, seminar-trening va uchrashuvlar hamda yoshlar o‘rtasidagi ma’naviy-ma’rifiy tadbirlarni tashkil etishda shuningdek,tadqiqot materiallaridan kelgusidagi ilmiy-tadqiqot va pedagogik faoliyatda hamda ijtimoiy gumanitar fanlar bo‘yicha o‘quv dasturlari doirasida tegishli mavzularning ishlab chiqilishida foydalanish mumkin.
Bitiruv malakaviy ishi Kirish, ikki bob, beshta paragraf, xulosa va foydalanilgan adabiyotlar ro‘yxati hamda ilovalardan iborat.
I.BOB. Prezident Shavkat Mirziyoyev asarlari va ma’ruzalarida jamiyatda
ma’naviy-ma’rifiy islohotlarni yangi bosqichga ko‘tarish masalasi
Do'stlaringiz bilan baham: |
