Internet xizmatlarini taqdim etish va tarifikatsiyalash

Asosiy xizmat – Internet, Uz-IX va TAS-IX tarmog‘iga ulanishni taqdim etish bo‘yicha xizmat; 
Qo‘shimcha xizmat – tasdiqlangan tariflar shartlariga ko‘ra, qo‘shimcha haq evaziga taqdim 
etiladigan xizmat. 
Abonent to‘lovini hisoblash vaqti - telekommunikatsiya xizmatlari uchun abonent to‘lovi 
bo‘yicha hisob-kitoblarni amalga oshirishda, operator Billing tizimining texnologik 
xususiyatlarini hisobga olgan holda, maʼlumotlarni qayta ishlash jarayoni kechikish bilan amalga 
oshirilishi mumkin, uning davomiyligi esa operatsiya vaqtida tizimning yuklanganlik darajasiga 
bog‘liq bo‘ladi. 
1.2. Xizmatni taqdim etish va tarifikatsiyalash qoidalari 

---

1.2.1. Xizmatlar tasdiqlangan va amaldagi Tariflar narxnomasi (Tarif rejalari)ga muvofiq taqdim 
etiladi. 
1.2.2. Tarifikatsiyalash faqat Internet tarmog‘idan kiruvchi trafik uchun amalga oshiriladi. 
Belgilangan limitidan oshadigan chiquvchi trafik hajmi ushbu davr uchun kiruvchi trafik 
hajmining tarifikatsiyalanadigan trafik hajmiga kiritiladi. Belgilangan limitdan oshgan 
trafikning butun hajmi tanlangan tarif rejasiga bog‘liq holda tarifikatsiyalanadi. 
1.2.3. Cheklangan hajmdagi Internet-trafikli tarif rejalaridan foydalanuvchi Abonentlarga, 
limitdan ortiq trafikdan foydalanganlik uchun pul yechib olinishining oldini olish uchun Internet-
trafik qoldig‘ini, shuningdek, “Shaxsiy kabinet” orqali yangi hisob-kitob davri boshlanishi 
vaqtini muntazam ravishda nazorat qilish tavsiya etiladi. 
1.2.4. Uz-IX va TAS-IXga kiruvchi tarmoqlarning diapazonlari doirasidagi trafik, shuningdek, 
Operator tarmog‘i doirasidagi ichki trafik tarifikatsiyalanmaydi. 
1.2.5. Abonent to‘loviga kiritilgan trafik limitining hajmi belgilangan va kunning vaqtiga bog‘liq 
emas (agar boshqasi amaldagi Tariflar narxnomasi (Tarif rejalari)dagi shartlar va izohlarda 
ko‘rsatib o‘tilmagan bo‘lsa). 
1.2.6. Taqdim etilgan trafik limitining sarflanmagan hajmi keyingi hisob-kitob davriga 
o‘tmaydi. 
1.2.7. Abonent to‘lovi Abonent tomonidan tanlangan asosiy xizmat narxidan, shuningdek, 
qo‘shimcha xizmatlar uchun tegishli to‘lovlardan iborat (tariflar shartlariga ko‘ra faollashtirilgan 
yoki faollashtirilishi lozim bo‘lgan qo‘shimcha xizmatlar mavjud bo‘lgan hollarda). 
1.2.8. Birinchi ulanishda Abonentning shaxsiy hisob raqamidan Ro‘yxatga olish to‘lovi (aksiya 
davrlari va boshqalar bundan mustasno) va tegishli tanlangan Tarif (Tarif rejasi)ga muvofiq 
miqdorida abonent to‘lovi yechib olinadi. Shuningdek, qo‘shimcha sarflangan materiallardan 
(abonent uchastkasiga tegishli materiallar – DROP-kabel, UTP-kabel, PPV-sim, konnektorlar va 
h.k.) foydalanilganda qo‘shimcha to‘lov olinishi mumkin. 
1.2.9. Abonent to‘lovining hisob-kitob davri bir oyni tashkil etadi va har bir Abonent uchun 
kalendar oyining birinchi kuniga bog‘lanmagan holda Internet tarmog‘iga kirish imkoniyati 
ochilgan kun va vaqtdan boshlab alohida hisoblanadi. Kelgusi hisob-kitob davri uchun Abonent