Investitsiyalar va moliya bozori

4.12-Jadval
O‘zbekistonda uyushgan qimmatli qog‘ozlar bozorining huquqiy asoslari

Bosqich	Davr	Qabul qilingan huquqiy hujjatlar
2-bosqich	1996-2000 yy.	O‘zbekiston Respublikasining Qonunlari: “Aksiyadorlik jamiyatlari va aksiyadorlarning huquqlarini himoya qilish to‘g‘risida” 223-I-son 26.04.1996 (2014 yil 6 maydagi O‘RQ-370-son yangi tahriri) “Banklar va bank faoliyati to‘g‘risida” 25.04.1996 y. (Mazkur Qonun 2019 yil 5 noyabrdagi O‘RQ-580-sonli Qonuniga muvofiq yangi tahrirda qabul qilingan.) “Investitsiya faoliyati to‘g‘risida” 719-I-son 24.12.1998 (2014 yil 9 dekabrdagi O‘RQ-380-son yangi tahriri) “Faoliyatning ayrim turlarini litsenziyalash to‘g‘risida” 71-II-son 25.05.2000 “Qimmatli qog‘ozlar bozorining faoliyat ko‘rsatish mexanizmi to‘g‘risida” 25.04.1996 y. (Hujjat kuchini yo‘qotish sanasi 23.07.2008 y.) “Qimmatli qog‘ozlar bozorida depozitariylar faoliyati to‘g‘risida” 29.08.1998 y. (Mazkur Qonun O‘zbekiston Respublikasining 2008 yil 22 iyuldagi O‘RQ-163-sonli Qonuni bilan o‘z kuchini yo‘qotgan.) O‘zbekiston Respublikasi Prezidenti Qaror va Farmonlari: “O‘zbekiston Respublikasi davlat mulki qo‘mitasi huzurida qimmatli qog‘ozlar bozori ishlashini muvofiqlashtirish va nazorat qilish markazini tashkil etish to‘g‘risida” 26.03.1996 y. PF-1414-son Farmon (Hujjat kuchini yo‘qotgan 15.01.2019 y.) “Qimmatli qog‘ozlar bozorini rivojlantirish va respublikaning fond bozorida xorijiy investorlar ishtirokini kengaytirish borasidagi qo‘shimcha chora-tadbirlar to‘g‘risida” 31.03.1997 y. PF-1740-son Farmon (Hujjat kuchini yo‘qotgan 24.01.2003 y.) “Moliya-xo‘jalik faoliyatini amalga oshirmayotgan va qonunchilikda belgilangan muddatlarda o‘zlarining ustav jamg‘armalarini shakllantirmagan korxonalarni tugatish tartibini soddalashtirish chora-tadbirlari to‘g‘risida” 28.06.1999 y. PF-2331-son Farmon “Fond bozorini yanada rivojlantirish hamda davlat mulki negizida tashkil etilgan aksiyadorlik jamiyatlarini qo‘llab-quvvatlash chora-tadbirlari to‘g‘risida”  04.03.1998 y. PF-1939-son Farmon “O‘zbekiston Respublikasi davlat mulki qo‘mitasi huzurida qimmatli qog‘ozlar bozori ishlashini muvofiqlashtirish va nazorat qilish markazini tashkil etish to‘g‘risida” 26.03.1996 y. PF-1414-son Farmon. “Qimmatli qog‘ozlar bozorini rivojlantirishga oid qo‘shimcha chora-tadbirlar to‘g‘risida” 07.09.1997 y. PF-1270-son Farmon (Hujjat kuchini yo‘qotgan 24.10.2008 y.)

Manba: O‘zbekiston Respublikasi Qonun hujjatlari ma’lumotlari milliy bazasi (www.lex.uz) asosida muallif tomonidan tuzilgan
Qimmatli qog‘ozlar bozoridagi munosabatlarni tartibga solish maqsadida 2-bosqichda, ya’ni 1996-2000 yillarda esa “Aksiyadorlik jamiyatlari va aksiyadorlarning huquqlarini himoya qilish to‘g‘risida”, “Birjalar va birja faoliyati to‘g‘risida”, “Investitsiya faoliyati to‘g‘risida”, “Faoliyatning ayrim turlarini litsenziyalash to‘g‘risida”, “Qimmatli qog‘ozlar bozorining faoliyat ko‘rsatish mexanizmi to‘g‘risida”, “Qimmatli qog‘ozlar bozorida depozitariylar faoliyati to‘g‘risida” O‘zbekiston Respublikasining Qonunlari, qolaversa ushbu davrda “O‘zbekiston Respublikasi davlat mulki qo‘mitasi huzurida qimmatli qog‘ozlar bozori ishlashini muvofiqlashtirish va nazorat qilish markazini tashkil etish to‘g‘risida”gi PF-1414-son, “Qimmatli qog‘ozlar bozorini rivojlantirish va respublikaning fond bozorida xorijiy investorlar ishtirokini kengaytirish borasidagi qo‘shimcha chora-tadbirlar to‘g‘risida” PF-1740-son, “Moliya-xo‘jalik faoliyatini amalga oshirmayotgan va qonunchilikda belgilangan muddatlarda o‘zlarining ustav jamg‘armalarini shakllantirmagan korxonalarni tugatish tartibini soddalashtirish chora-tadbirlari to‘g‘risida” PF-2331-son, “Fond bozorini yanada rivojlantirish hamda davlat mulki negizida tashkil etilgan aksiyadorlik jamiyatlarini qo‘llab-quvvatlash chora-tadbirlari to‘g‘risida” PF-1939-son, “Qimmatli qog‘ozlar bozorini rivojlantirishga oid qo‘shimcha chora-tadbirlar to‘g‘risida”gi PF-1270-sonli O‘zbekiston Respublikasi Prezidenti Farmonlari qabul qilindi. Mazkur bosqichda uyushgan qimmatli qog‘ozlar bozori faoliyat mexanizmlarini belgilovchi qonunlardan biri “Qimmatli qog‘ozlar bozorining faoliyat ko‘rsatish mexanizmi to‘g‘risida”gi Qonunda “qimmatli qog‘ozlar bozori” tushunchasi, undagi professional ishtirokichlari va ularning faoliyatini tashkil etish, mas’uliyatini belgilash, mazkur bozordagi savdolarda amal qilishi lozim bo‘lgan asosiy prinsiplar, qimmatli qog‘ozlar oldi-sotdisiga doir bitimlarni tuzish va ular bilan savdo qilish qoidalari belgilab berildi. Ushbu qonun zamon talablari asosida takomillashtirilgan holda 2008-yil 22-iyuldagi “Qimmatli qog‘ozlar bozori to‘g‘risida”gi Qonuni orqali yangicha mazmunda qabul qilindi.