Iqtisodiyot nazariyasi fanidan yakuniy nazorat testlari (II semestr)

52. Xalqaro iqtisodiy integratsiyaning qaysi shaklida tashqi savdoga yagona boj ta’riflari o‘rnatiladi va uchinchi mamlakatga nisbatan yagona tashqi savdo siyosati yuritiladi?
a) erkin savdo zonalari;
b) boj ittifoqi;
c) to‘lov ittifoqi;
d) umumiy bozor.
53. Chetga kapital chiqarishni uning subyekti bo‘yicha ajratilgan shaklini toping:
a) pul va tovar shaklida;
b) xususiy kapital shaklida;
c) kreditlar shaklida;
d) ssuda kapitali shaklida.


54. Xalqaro iqtisodiy munosabatlarning eng ko‘xna va yetakchi shakli, bu…
a) xalqaro savdo;
b) kapital va chet el investitsiyalari harakati;
c) ishchi kuchi migratsiyasi;
d) fan va texnika sohasidagi ayirboshlash.


55. A.Smitning iqtisodiyotni tartibga solishning bozor mexanizmi xususidagi uchta asosiy qoidasi, bu…
a) davlat aralashmasligi, iqtisodiy usullar, samarali talabni rag‘batlantirish;
b) davlat aralashmasligi, “ko‘rinmas qul”, bozor o‘z-o‘zini boshqarishi;
c) ma’muriy usullar, normativlar, davlat dasturlari;
d) iqtisodiy dastaklar, talab va taklif, raqobat.


56.Davlatning iqtisodiyotga ta’sir ko‘rsatishining kreditli dastagini toping:
a) qarorlar, farmoyishlar va boshqa me’yoriy bitimlar
b) hisob stavkasi;
c) subsidiya va dotatsiyalar;
d) ish haqining minimal darajasi.


57. Daromadlarni indeksatsiyalash nima?
a) narx-navo indekslarini oshirish;
b) narxlar indeksining oshishiga muvofiq ravishda to‘lanadigan ish haqi va boshqa to‘lovlarni oshirish;
c) davlat byudjeti daromadlarini shakllantirish;
d) daromadlardan olinadigan soliqlar miqdorini o‘zgartirish.


58. Quyidagi soliqlardan qaysilari «iste’mol» soliqlari hisoblanadi?
a) meros va sovg‘alar uchun soliq;
b) foyda solig‘i va boj to‘lovlari;
c) shaxsiy daromadga soliqlar;
d) qo‘shilgan qiymat va aksiz solig‘i.


59. Aholi pul daromadlari nima?
a) ish haqi;
b) ish haqi va ijtimoiy nafaqalar;
c) o‘z ehtiyojini qondirish uchun aholi ixtiyoridagi moddiy
vositalar qiymati;
d) ma’lum bir vaqt ichida (masalan, bir oy yoki bir yil) aholi
tomonidan olinadigan pul mablag‘lari summasi;
60. Aholi real daromadining o‘sishi qaysi holda ro‘y beradi?
a) nominal daromad va narxlarning o‘sishi mutanosib bo‘lganda;
b) nominal daromad narxlardan tez o‘sganda;
c) narxlar nominal daromaddan tez o‘sganda;
d) soliqlar va majburiy to‘lovlar nominal daromaddan tez o‘sganda.


61. Aholining ma’lum davr davomida olingan pul va natural
daromadlari, bu….
a) natural daromad;
b) nominal daromad;
c) ixtiyoridagi daromad;
d) umumiy daromad.


62. Moliyaviy munosabatlarning subyektlari:
a) barcha turdagi korxonalar;
b) aholi keng qatlami;
c) davlat tashkilotlari va muassasalari;
d) yuqoridagilarning barchasi.


63. Byudjet taqchilligini bartaraf qilishga erishish uchun:
a) davlatning daromadlari uning xarajatlariga teng bo‘lishi kerak;
b) yalpi taklif, yalpi talabga teng bo‘lishi kerak;
c) pulni taklif qilish sur’atlari bilan inflyatsiyaning o‘sish sur’atlri mos kelishi kerak;
d) investitsiya hajmi iste’molning hajmidan yuqori bo‘lishi kerak.

64. Soliq miqdori soliq to‘lovchilarning boyligi va daromadlari darajasiga mos kelishi zarurligi uning qaysi tamoyili mazmunini ifodalaydi?
a) umumiylik;
b) majburiylik;
c) adolatlilik;
d) to‘lovga layoqatlilik.


65. Soliq stavkasi daromad hajmiga bog‘liq bo‘lmagan holda
o‘zgarishsiz qolsa, bu…
a) proporsional soliqlar;
b) progressiv soliqlar;
c) regressiv soliqlar;
d) to‘g‘ri soliqlar.


66. Daromadlar ortib borishi bilan soliqlarning o‘rtacha stavkasi pasayib borsa, bu…
a) proporsional soliqlar;
b) progressiv soliqlar;
c) regressiv soliqlar;
d) egri soliqlar.

67. Soliqqa tortish obyekti bo‘yicha turkumlangan soliq turini ko‘rsating:
a) progressiv soliqlar;
b) federal soliqlar;
c) to‘g‘ri soliqlar;
d) foydadan olinadigan soliqlar.


68. Olinadigan soliq summasining soliq solinadigan daromad miqdoriga nisbatini foizdagi ifodasi qanday ko‘rsatkich?
a) soliq koeffitsiyenti;
b) soliq stavkasi;
c) soliq imtiyozi;
d) soliq darajasi.


69. Davlat obligatsiyalarini chiqarib, aholi va xususiy biznesdan qarz olsa, bu…
a) bank krediti;
b) iste’mol krediti;
c) ipoteka krediti;
d) davlat krediti.

70. Qaysi kredit muassasasi “Davlat banki”, “Banklar banki”
va “Ijtimoiy bank” deb nomlanadi?
a) ixtisoslashgan bank
b) markaziy bank;
c) tijorat banki;


71. Fan va ilmiy texnikaviy yangiliklarning loyihalarini sotish
bilan bog‘liq operatsiyalarni kreditlaydigan kredit muassasa, bu…
a) investitsion bank;
b) innovatsion bank;
c) xalq banki;
d) ixtisoslashgan bank.


72. Quyidagilarning qaysi biri davlatning byudjet taqchilligini
kamaytirishga qaratilgan chora-tadbirlariga kirmaydi?
a) soliq bazasini kengaytirish;
b) byudjet xarajatlarini kamaytirish;
c) samarali antimonopol tadbirlarni amalga oshirish;
d) subsidiya va dotatsiyalarni kamaytirish.

73. Quyidagilardan qaysi biri narx indeksini anglatmaydi?
a) iste’mol tovarlari narx indeksi;
b) investitsion tovarlari narx indeksi;
c) eksport va import tovarlari narx indeksi;
d) qimmatli qog‘ozlar (aksiya) kursi.

74. “Fisherning ayirboshlash tenglamasi” (QP=MV) da nimalar aks etmaydi?
a) ayirboshlanadigan tovarlar miqdori;
b) tovarlar narxi;
c) muomala uchun zarur pul miqdori;
d) qarzga sotiladigan tovarlar summasi.