Ishlab chiqarish texnologiyalari

Mahsulotlar
Energiya sarfi, kVt-soat/t
Alyuminiy	18.000-20.000
Magniy	17.500-18.000
Kalsiy karbid, 80%li	2.700-3.200
Fosfor	13.000-20.000
Xlor	2.300-3.500
Sintetik ammiak	3.000-3.500
Sulfat kislota	60-70
Ammoniy sulfat	30-40
Ammiak selitrasi	7-5
Superfosfat	2-10

4.5. Energiya turlari, sanoatda energiyadan ratsional foydalanish
Yuqorida qayd etilgan energiya manbalari sanoatda turli xil ko‘rinishlarda ishlatiladi. quyida ximiya sanoatida ishlatiladigan energiya turlari keltiriladi.
Elektr energiyasi ximiya korxonalarida eritmalarni elektroliz qilishda, moddalarni suyultirishda, isitishda, murakkab ximiyaviy sintezlarda hamda ximiyaviy ishlab chiqarishlarni tekshirish va avtomatlashtirishda ishlatiladi. Bundan tashqari, elektr energiyasi mexanik energiyaga aylantirilgan holda elektr dvigatellarida juda keng qo‘llaniladi. Umuman, mamlakatda hosil qilinayotgan hamma elektr energiyasining 10-12%i ximiya sanoati uchun sarflanadi.
Ximiya sanoatida moddalarni qizdirishda, suyultirishda, quritishda, bug‘latishda, distillash jarayonida issiqlik energiyasi ishlatiladi.
Ichki yadro energiyasidan ximiya sanoatida analitik maqsadlarda, avtomatik kuzatuvchilar, jarayonlarni boshqarish, radiatsion-ximiyaviy jarayonlarni o‘tkazish kabi ishlarda foydalaniladi.
Ximiyaviy energiya galvanik elementlarda va akkumulyatorlarda qo‘llaniladi, bunda bu energiya elektr energiyasiga aylanadi. Ximiyaviy energiya manbalari foydali ish koeffitsiyenti yuqoriligi bilan boshqa energiyalardan farq qiladi.
Yorug‘lik energiyasi ximiya sanoatida fotoximiyaviy reaksiyalar, elementlardan vodorod xloridni sintez qilish, organik birikmalarni galoidlash va shunga o‘xshash jarayonlarda qo‘llaniladi.
.