Issn 2181-1296 ilmiy axborotnoma научный вестник scientific journal

Mavzuga oid adabiyotlarning tahlili. Globallashuv jarayonlari inson hayotining 
barcha sohalariga ta’sir qiladi. Ijtimoiy tuzilish tendensiyalari, mehnat bozori, inson 
hayotining ko’plab sohalarini texnologiyalashtirish ta’lim tizimi uchun jiddiy muammolarni 
keltirib chiqardi [6]. Ta’lim jarayonida kechayotgan xalqarolashtirish, globallashuv va 
tijoratlashtirish jarayonlari oliy ta’lim muassasalarining an’anaviy faoliyatiga o’z ta’sirini 
o’tkazib, ularning funksional-transformasiyasini taqazo qiladi.
Tadqiqotchi olim Ковальчук В.И. fikriga ko’ra, to’rtinchi sanoat inqilobi inson 
faoliyatining yangi sohalari paydo bo’lishi bilan birga ta’lim tizimining muammolari bilan 
birga keladi. Ushbu muammolardan biri insonning mashina ishlab chiqarish samaradorligini 
oshirishi mumkin bo’lgan faoliyat doirasini qisqartirishdir. Mutaxassislarning taxminlariga 
ko’ra, 2030 yilga kelib ellik turdagi kasb yo’q bo’lib ketadi, uning o’rniga 186 yangi kasb 
paydo bo’ladi [7].
Jamiyat rivojlanishining har bir bosqichida axborot, axborotlar transformasiyasi muhim 
rol o’ynagan. Biroq, vaqt o’tishi bilan ma’lumotlarning to’planishi unga tez kirish, qayta 
ishlash, tahlil qilish, tizimlashtirish va saqlash muammosini dolzarblashtirdi. Ushbu muammo 
qisman QR-kodlash texnologiyasi bilan hal qilinadi. Raqamli texnologiyalar olamida ulardan 
ta’lim jarayonida foydalanish imkoniyatlari ko’p. Bizning fikrimizcha, aynan oliy ta’lim 
muassasalaridagi axborotlar almashinuvi jarayonida raqamli teznologiyalarni keng joriy 
etilishi ta’lim sifatini oshirish, kreativ ta’lim xizmatlarini diversifikasiyalash imkoniyatini 
beradi. 
QR-kodlash sohasidagi ilmiy tadqiqotlar hali ham juda oz, ammo texnologiyaning 
xususiyatlarini tushunish uchun В.Логачев [4] va A. Срыбина [3] tadqiqotlarida muhim 
ahamiyat kasb etadi.
"Axborot davri" ostonasida QR-kod hayotning istalgan sohasida ishlatilishi mumkin 
bo’lgan foydali vositaga aylandi [5].