|
43. “Galereyani aylanish” metodi.
Kichik guruhlarning hamma a’zolariga bitta muammo taklif etiladi. Har bir guruh 10 minut davomida o‘z fikrlarini yozadi-da, javoblar zikr etilgan varaqlarni ikkinchi guruh bilan almashtiradi. Keyingi guruh oldingi guruhning javoblarini baholashi va javob tugal bo‘lmasa,o‘z variantini taklif etishi kerak.
44. “Akademik munozara” metodi.
Guruh 2 komandaga bo‘linadi, bularning har biriga vaziyatga doir topshiriq beriladi. Har bir komandada 1-2 nafar ta’lim oluvchi konsultatsiyaning ijobiy tomonlarini muhokama qiladi – bular “advokatlar” bo‘ladi, boshqalar esa, konsultatsiyaning salbiy tomonlarini tahlil qilib chiqadi-bular “prokurorlar”dir.
“Advokatlar” bilan “prokurorlar”ning qo‘lga kiritgan natijalari ma’lum qilinadi va butun guruh tomonidan muhokama qilib qichiladi.
Bu metodika ta’lim oluvchining o‘sha kungi mavzu yuzasidan chuqur bilimlarga ega bo‘lishini talab qiladi, chunki vaziyatga doir topshiriq yoki rolli bo‘lsin, “prokurorlar” tomonidan bo‘lsin, obdon anglab olish va dalillar bilan izohlab berishni talab etadi.
Do'stlaringiz bilan baham: | 
