Ызбекистон Республикаси Бош прокуратураси

Учқудуқ тумани
ИИБ бошлиғи
подполковник
(Ф.И.Ш.)га
Жиноятнинг сабабларини ва унинг содир этилишига имкон
берган шарт-шароитларни бартараф қилиш тўғрисида
Т А Қ Д И М Н О М А

Навоий вилоят прокуратураси томонидан Учқудуқ тумани, Кончилар кўчаси, 1-уй, 3-хонадонда яшовчи А.Яшнарбековни Ўзбекистон Републикаси ЖКнинг

97-моддаси 2-қисми “в, л” бандлари билан айблаш ҳақидаги жиноят ишининг тергови тамомланди.
Терговда аниқланишича, Учқудуқ тумани, Кончилар кўчаси, 1-уй,
3-хонадонда яшовчи, муқаддам бир неча марта ўзгалар мулкини талон-торож қилишга қаратилган жиноятлар содир этганлиги учун судланган А.Яшнарбеков 13.09.2017 йилда безорилик мотивида фуқаролар М.Темировга тегишли Учқудуқ тумани, Олмазор кўчаси, 3-уй, 28-хонадонда спиртли ичимлик истеъмол қилиб, ўта даражада маст бўлгани ҳолда, безорилик оқибатида фуқаро Г.Бурановни уйда бўлган ошхона пичоғи билан танасининг турли жойларига уриб қасддан ўлдирган.
Шунингдек, терговда М.Темиров, Л.Шарапов ва Д.Парпиевлар мазкур содир этилган ўта оғир жиноятни олдиндан ваъда бермаган ҳолда яшириб келишган.
Тергов ҳаракатлари давомида, А.Яшнарбеков томонидан содир қилинган қасддан одам ўлдириш жиноятининг олдини олиш борасида амалга оширилган ишлар аҳволи ўрганилганда, Учқудуқ туман ҳокимлиги, ИИБ ва маҳалла фуқаролар йиғинлари томонидан жиноят содир этишга мойил, спиртли ичимликка ружу қўйган, носоғлом турмуш кечириб келаётган, муқаддам судланган шахслар ҳамда нотинч оилалар билан профилактик тадбирлар етарли даражада олиб борилмаётганлиги натижасида, Сиз раҳбарлик қилаётган секторда мазкур жиноятлар содир қилинганлиги аниқланди.
Шунингдек, туманда қасддан одам ўлдириш ва унга суиқасд қилиш жинояти асосан мастлик ҳолатида, ўч олиш ёки арзимаган сабаблар билан фуқаролар ўртасидаги ўзаро келишмовчилик муносабатларига кўра, содир этилаётганлигини кўрсатмоқда.
Дастлабки тергов ҳаракатлари олиб борилган мазкур жиноят иши юзасидан ўтказилган тергов ҳаракатлари давомида жиноятнинг келиб чиқишига қуйидаги омиллар сабаб бўлганлиги аниқланди: