Jahon hamjamiyatiga kirib borishi

Erkin  savdo  toʻgʻrisida  SHimoliy  Amerika  bitimi  (NAFTA)  1994  yildan  boshlab 

amalda boʻlib, oʻz ichiga AQSH, Kanada va Meksikani qamrab oladi.  

Bu  mamlakatlarning  oʻzaro  savdo  va  kapital  harakati  asosidagi  iqtisodiy  aloqalarining 

miqyoslarini quyidagi ma’lumotlar orqali tasavvur etish mumkin: AQSHda Kanada eksportining 

75-80%  (yoki  Kanada  YAMMning  20%)  sotiladi.  Kanadadagi  toʻgʻridan-toʻgʻri  xorijiy 

investitsiyalar  tarkibida  AQSHning  ulushi  75%dan,  Kanadaning  AQSHdagi  ulushi  esa  9%dan 

ortiq.  AQSHga  Meksika  eksportining  70%dan  ortigʻi  yoʻnaltirilib,  AQSHdan  Meksikaga  65% 

import kelib tushadi. 

Shimoliy  Amerika  integratsion  guruhining  mavjud  tarkibi  yevropadagi  integratsiya 

modelidan farq qilib, bu quyidagilarda namoyon boʻladi: 

-   AQSH,  Kanada  va  Meksika  oʻrtasidagi  iqtisodiy  oʻzaro aloqalarning teng  nisbatlarda 

emasligi; 

- bu guruh a’zolari rivojlanganlik darajasining keskin farq qilishi. 

Erkin  savdo  toʻgʻrisida  SHimoliy  Amerika  bitimi  (NAFTA)ning  asosiy  jihatlari 

quyidagilardan iborat: 

---

- 2010 yilga qadar barcha bojxona toʻlovlarini bekor qilish; 

-  tovar  va  xizmatlar  savdosidagi  tarifsiz  toʻsiqlarning  ahamiyatli  qismini  bosqichma-

bosqich tugutib borish; 

-  Meksikadagi  Shimoliy  Amerika  kapital  qoʻyilmalari  uchun  shart-sharoitlarni 

yaxshilash; 

- Meksika moliya bozorida AQSH va Kanada banklarining faoliyatini erkinlashtirish; 

- AQSH, Kanada va Meksika arbitraj komissiyasini tashkil etish. 

Shuningdek,  kelgusida  nafaqat  NAFTA  doirasida  ichki  mintaqaviy  hamkorlikni 

chuqurlashtirish,  balki  boshqa  Lotin  Amerikasi  mamlakatlari  hisobiga  uning  tarkibini 

kengaytirish ham koʻzda tutilmoqda.