Ўйин қоидалари 2022/23 The International Football Association Board

Тартиби

Дастлабки қарор

• 
  Ҳакам ва учрашувнинг бошқа расмий шахслари доимо худди VAR йўқдек («назардан қочирилган кўнгилсиз ҳодиса» бундан мустасно) дастлабки қарорни (ҳар қандай интизомий чораларни қўшганда) қабул қилишлари шарт.
  
• 
  Ҳакам ва учрашувнинг бошқа расмий шахсларига қарор қабул килмасликка рухсат этилмайди. Боиси, бу «кучсиз/катъиятсиз» ҳакамликга, хаддан ортиқ видеотакрорларга, агар техник ўзилишлар мавжуд бўлса, сезиларли муаммоларга олиб келади.
  
• 
  Ҳакам — якуний қарорни қабул қиладиган ягона шахс; VAR учрашувнинг бошқа расмий шахслари каби макомга эга ва у ҳакамга фақат ёрдам бериши мумкин.
  
• 
  Қоидабузарлик пайтида ўйинчи гол урмокчи бўлган ёки рақиб жарима майдони ичига ва у томон яққол ҳаракатга эга бўлган ўта яққол ҳужумкор вазиятда байроқни кўтариш / ҳуштак чалишдан тийилиб туришга рухсат этилади.
  
• 
  Агар ёрдамчи ҳакам қоидабузарлик пайтида байроқни кўтаришдан тийилиб турган бўлса, ҳужум қилаётган жамоа гол урса, пенальти, жарима/эркин, бурчак зарбалари тепиш ёки ён чизиқдан тўп ташлаб бериш ҳуқуқини қўлга киритса ёхуд дастлабки ҳужумдан сўнг тўпга эгалик қилишни ўзида сақлаб қолган бўлса, байроғини кўтариши шарт. Қолган барча вазиятларда ёрдамчи ҳакам ўйиндаги вазиятдан келиб чиқиб байроқни кўтариш шартми ёки шарт эмаслигини хал қилиши лозим.
  

Текшириш

• 
  VAR телевизион камералар трансляцияси орқали ҳар қандай эхтимолий ёки содир бўлган гол / пенальти ёки тўғридан-тўғри қизил карточка билан боғлиқ қарор / кўнгилсиз ҳодиса ёхуд ўйинчини аниқлашда йўл қуйилган хатони турли бурчак остидаги камералар лавхалари / видеоёзувни акс эттиришнинг турли тезликларидан фойдаланиб, автоматик равишда «текшириб» боради.
  
• 
  VAR нормал тезликдаги ва/ёки секинлаштирилган видеотакрорлар билан «текшириш»ни амалга ошириши мумкин, лекин секинлаштирилган видеотакрордан асосан фактни баҳолаш учунгина фойдаланиш мумкин. Масалан, қоидабузарлик / ўйинчи жойи, жисмоний қоидабузарлик ёки тўпни қўл билан ўйнаш пайтида контакт нуқтаси, тўп ўйинда ёки ўйинда эмас («гол/гол эмас» вазиятини ҳам қўшганда) кабилар. Намойишнинг нормал тезлигидан қоидабузарликнинг «интенсивлиги»ни баҳолашда ёки тўп қўл билан атайин ўйналгани хақида қарор қабул қилишда фойдаланилиши керак.
  
• 
  Агар «текшириш» «яққол ва очиқ-ойдин хато» ёки «жиддий кўнгилсиз ҳодисани назардан қочириш»ни кўрсатмаса, VARнинг ҳакам билан боғланишига хожат йўқ, ва бу «тинч текшириш»дир. Аммо, агар VAR «яққол ва очиқ-ойдин хато» ёки «жиддий кўнгилсиз ҳодисани назардан қочириш» рўй бермаганини тасдиқласа, бу баъзида ҳакам/ёрдамчи ҳакамга ўйинчилар/учрашувни бошқаришда ёрдам беради.
  
• 
  Агар «текшириш» учун ўйинни давом эттириш кейинга суриладиган бўлса, ҳакам бармоғини қулоқчин/гарнитурга яққол қуйиб ва иккинчи қўлини ён томонга ўзатиб, бу ҳақда ишора беради. Ҳакам (VAR ёки учрашувнинг бошқа расмий шахсидан) маълумот олаётганини билдирувчи мазкур ҳолат «текшириш» якунмалангунча сақлаб турилиши керак.
  
• 
  Агар «текшириш» юз бериши мумкин бўлган «яққол ва очиқ-ойдин хато» ёки «жиддий кўнгилсиз ҳодисани назардан қочириш»ни кўрсатса, VAR бу ҳақдаги маълумотни (лекин қабул қилинган қарорни эмас) ҳакамга етказиши керак. Шундан сўнг ҳакам «видеокўрик» ўтказиш ёки ўтказмаслик хақида қарор қабул қилади.