Жиноят-процессуал кодексига

289-модда. Жабрланувчи ва бошқа шахсларнинг мол-мулкини
реквизиция қилиш ва мусодара этиш


Хусусий эгаликда бўлиши ман қилинган мол-мулк иш бўйича ашёвий далил деб эътироф этилган бўлса, мулкдор тўғри ёки ғайриҳуқуқий равишда қўлга киритганига қараб, у реквизиция қилинади ёки мусодара этилади, яъни мол-мулк ҳақини тўлаш ёки тўламаслик шарти билан суд томонидан бундай мол-мулкка эгалик қилиш, ундан фойдаланиш ҳамда уни тасарруф этиш ҳуқуқига эга бўлган тегишли давлат органига ёки юридик шахсга берилади.

1. Агарда иш бўйича ашёвий далил деб эътироф этилган мол-мулк хусусий эгаликда бўлиши ман қилинган бўлса ва мулкдор уни асосли равишда қўлга киритган бўлса, у реквизиция қилинади, яъни мол-мулк қиймати тўланиб мажбурий равишда давлат ихтиёрига олинади.

2. Агарда иш бўйича ашёвий далил деб эътироф этилган мол-мулк ғайриҳуқуқий равишда қўлга киритилган бўлса, қиймати тўланмасдан давлат ихтиёрига мусодара этилади.
3.Мол-мулк қийматини тўлаш ёки тўламаслик шарти билан бундай мол-мулкка эгалик қилиш, ундан фойдаланиш ҳамда уни тасарруф этиш ҳуқуқига эга бўлган тегишли давлат орга­нига ёки юридик шахсга суд томониданберилади.
35-БОБ. ҲУКМНИНГ МУЛКИЙ УНДИРИШЛАР
ТЎҒРИСИДАГИ ҚИСМИ ИЖРОСИНИ ТАЪМИНЛАШ


290-модда. Мол-мулкни хатлаш


Ҳукмнинг фуқаровий даъвога ва бошқа мулкий ундириш­ларга доир қисмининг ижросини таъминлаш учун суриш­тирувчи, терговчи ёки суд гумон қилинувчи, айбланувчи, судланувчи ёки фуқаровий жавобгарнинг мол-мулкини хат­лаши шарт. (ЎзР 29.08.2001 й. 254-II-сон Қонуни таҳрири­даги қисм)
Гумон қилинувчи, айбланувчи, судланувчи ва фуқаровий жавобгар оиласининг нормал турмушини таъминлаш учун зарур бўлган уй-жой, квартира, уй анжомлари ва жиҳозлари, кийим ва буюмлар хатланмайди.
Турар жойлар ёки яшаш учун мўлжалланмаган жойлар, мулк шаклидан қатъи назар, давлатга хоинлик қилиш, конституциявий тузумга, Ўзбекистон Республикаси Прези­дентига тажовуз қилиш, терроризм, қўпорувчилик жиноят­лари содир этиш учун фойдаланилган ёхуд бу жиноятлар қасддан одам ўлдириш, босқинчилик, талончилик ёки бошқа оғир, ўта оғир жиноятлар билан боғлиқ бўлган ҳолларда - бу жойлар хатланади. (ЎзР 15.04.1999 й. 772-I-сон Қонуни таҳриридаги қисм)
Хатлаш мулкдорга ёки мол-мулкнинг эгасига мол-мулкни тасарруф қилиш, зарур ҳолларда эса, ундан фойдаланиш ман этилганлигини эълон қилишдан ёхуд мол-мулкни тортиб олишдан ва уни сақлаб туриш учун бошқа шахсларга топширишдан иборатдир.