Жиноят-процессуал кодексига

Тиббий йўсиндаги мажбурлов чораларини қўллаш ҳақида­ги ишни юритишни тўхтатиш ва тугатиш, ушбу чора­ларни қўллаш, уларни бекор қилиш ёки ўзгартириш, ишни юритишни умумий тартибда тиклаш, шунингдек, тиббий йўсиндаги мажбурлов чораларини бекор қилиш ёки ўзгарти­ришни рад этиш тўғрисидаги ҳамда иш юритишни умумий тартибда тиклашни рад этиш тўғрисидаги суд ажрими устидан ўзига нисбатан суд ажрими чиқарилган шахс, унинг ҳимоячиси, жабрланувчи ва унинг вакили хусусий шикоят­лар бериш, прокурор эса хусусий протест билдириш ҳуқуқига эга.
Фуқаровий даъвогар, фуқаровий жавобгар тиббий йўсин­даги мажбурлов чораларини қўллаш тўғрисидаги масала бўйича суд ажримининг фуқаровий даъвога тегишли қисми устидан шикоят беришга ҳақли.
Ушбу моддада назарда тутилган ажрим устидан берил­ган шикоят ва протестларни юқори суд ушбу Кодекснинг 505-507-моддаларида белгиланган қоидаларга риоя этган ҳолда кўриб чиқади.

1. Ушбу моддада суднинг тиббий йўсиндаги мажбурлов чораларини қўллаш ҳақидаги ажрими устидан шикоят ва про­тест бериш ҳуқуқига эга бўлган шахсларнинг қатъий рўйхати белгиланган. Шу сабабли ушбу моддада кўрсатилган шахслар­дан ташқари ҳеч ким шикоят бериш ва протест билдиришга ҳақли эмас.

2. Кассация шикояти ва протести бериш муддати тугагач, ажрим чиқарган суд ишни бир сутка ичида берилган шикоятлар ва протест билан бирга кассация судига юборади. Шу билан бирга суд ишни кассация инстанцисида кўриб чиқиш кунини ҳам аниқлайди.
3. Кассация шикояти ва протести бериш муддатини ҳисоб­лаш ва уни тиклаш ҳамда кассация шикояти ва протести бил­дириш, ўзгартириш ва ҳал этиш масалалари 351-354-моддала­рида кўрсатилган қоидаларга риоя қилиб амалга оширилади.
62-БОБ. ЯРАШУВ ТЎҒРИСИДАГИ ИШЛАР
БЎЙИЧА ИШ ЮРИТИШ
(ЎзР 29.08.2001 й. 254-II-сон Қонуни билан киритилган)


582-модда. Ярашилганлиги муносабати