Birlashtirilgan himoya tizimi - raqiblami shchitdan uzoqroq
oraliqdan savatga to‘p tashlashga majbur qilishni anglatadi. Bunday
taktik yo‘nalish raqibni yakkama-yakka himoyalash (ta’qib etish) va
zonali himoyani tashkil qilishga asoslanadi.
Raqibni yakkama-yakka (shaxsiy) himoyalashda har bir
o‘yinchi “o‘z raqibini” ta’qib qiladi. Bunday harakatlar uch ochkoli
chiziq atrofida amalga oshirilishi lozim.
Zonali himoyani tashkil qilish hududiy prinsipga asoslanadi.
Boshqacha qilib aytganda har bir himoyachi o‘zi uchun belgilangan
hududni himoya qiladi.
Ushbu himoya tizimi bir necha yo‘nalishlarda amalga oshiriladi
Zonaga kirib borish va erkin jarima chizig‘idan qanotga to‘p
uzatish
Orqa pozisiya va aldamchi harakat bilan siljib harakatlanish
Bu mashqni himoyachi bilan va himoyachisiz bajarish mumkin.
Jamoa besh kishidan iborat guruhlarga bo‘linadi. Ikkita himoyachi
jarima chizig‘idagi pozisiyani egallaydi, to‘p ushlab turgan o‘yinchi
qanotlardan birida tugaydigan erkin jarima chizig‘ida turadi. To‘p
ushlagan o‘yinchi ikkita himoyachi zonasiga kirib boradi. Zonaga
kirib u to‘pni otib yuboradi yoki sakrab turib to‘p tashlash uchun
qanotga yoki burchakka to‘p uzatadi.
Hujum qilayotgan o‘yinchilar belgilangan miqdorda shunday
usullami amalga oshirishlari lozim shundan so‘ng ular himoyachilar
bilan joy almashadilar. Bu hujum qilish tushunchalarini o‘rganish
hamda to‘p tashlashlar ustida ishlash uchun yaxshi mashq
hisoblanadi. Undan tashqari, bu mashq maydonning turli xil
qismlariga bo‘lib yuborilishi va turli xil zonalardan hujum qilish
usullarini o‘rgatish uchun qo‘llanilishi mumkin. Masalan himoyachilar
markaziy chiziqdan va zonadagi himoyachilaming ikkita
yon chizig‘iga ishora qiluvchi ba’zaviy chiziqdan turib ishlashi
mumkin.
Bu mashq avvalgi mashq singari bajariladi, faqat bu mashqda
himoyachi paydo bo‘ladi.
Peremetrdagi o‘yinchi savat oldidan o‘yinchini qanotdan to‘p
bilan ta’minlaydi va burchakka siljitadi. Savat oldidagi o‘yinchidan
qayta to‘p qabul qilib olgan paytida uning tomoniga himoyachi
chiqa boshlaydi. Shunda o‘yinchi aldamchi harakatni bajaradi bir
marta to‘pga tegishi bilan driblingni (to‘pli o‘yinchi) amalga
oshiradi va sakrab turib to‘p tashlash uchun to‘xtaydi.
Do'stlaringiz bilan baham: |